देवेंद्र सिरसाट हिंगणा (नागपुर) प्रतिनिधी
महाराष्ट्र संदेश न्युज ! ऑनलाईन हिंगणा:- सम्मान सखी फाॅंउन्डेशन तथा हिंगणा तालुका सखी मंच यांच्या वतीने हिंगण्यात छत्रपती शिवाजी महाराज जयंती हर्षोल्लासात साजरी करण्यात आली.
हिंगणा सखींच्या वतीने तहसील कार्यालयाच्या बाजूला बस स्थानक परिसरातील शिवाजी चौक येथील महाराजांच्या अश्वारूढ पुतळ्यास पुष्पहार अर्पण करून अभिवादन करण्यात आले. यावेळी सखी मंच व फाॅंउन्डेशनच्या तालुका अध्यक्षा ज्योत्स्ना खडतकर, सोनाली झाडे, ललिता नौकरकर, प्रियंका खोबे, जयश्री लारोकर, पुष्पा चांदेकर, सविता शेंद्रे, शितल चित्रीव, तर शिवाजी महाराज यांच्या वेशभूषेत वात्सल्य खडतकर होता या वेळी सखींनी ढोलताशांच्या गजरात महाराजांचा जयजयकार केला व बाईक रॅली सुध्दा काढण्यात आली या वेळी मोठ्या संख्येने महिला उपस्थित होत्या.
