नागपुर जिल्हातील वाकी येथे ताजुद्दीन बाबांच्या उर्सची तयारी अंतिम टप्यात, उर्सला ३ मार्च पासून सुरुवात.

अनिल अडकिने सावनेर तालुका प्रतिनिधी

महाराष्ट्र संदेश न्युज ! ऑनलाईन सावनेर, दि.24 फेब्रुवारी 2023:- दरवर्षी प्रमाणे याही वर्षी पाटणसावंगी येथून जवळच असलेल्या श्री. क्षेत्र वाकी दरबार येथे श्री. संत बाबा ताजुद्दीन यांच्या वार्षिक उर्सची सुरुवात मंगळवार ३ मार्च पासून होणार असून उर्सची संपूर्ण तयारी अंतिम टप्प्यात आहे. उर्ससाठी विविध प्रकारची दुकाने, उपहारगृहे, मनोरंजनात्मक प्रतिष्ठाने, आकाश पाळणे, झुला, मौत का कुव्वा, पूजा साहित्य दुकाने आदींची सजावट होत आहे. तसेच उर्स निमित्याने संपूर्ण ताज दरबार व परिसराची विद्युत रोषणाईने सजावट केली आहे. पोलीस चौकी, प्राथमिक आरोग्य केंद्र ,अग्नीशामक,बस स्थानक, ऑटो रिक्षा, मोटर सायकल, जीप, कार, वाहन स्टॅन्डसाठी स्वत्रंत जागा देण्यात आली आहे. तसेच भाविकांना ट्रस्ट तर्फे दररोज महाप्रसाद वितरित होणार आहे उर्सची जय्यत तयारी व व्यवस्थापन प्रभाकर डाहाके, ज्ञानेश्वर डाहाके, डॉ. बाबुराव ताजने, मधुकर टेकाडे, डांगोरे सांभाळत आहे.

वाकी उर्स बाबत आढावा बैठक संपन्न
सावनेर क्षेत्राचे आमदार सुनील केदार यांच्या अध्यक्षतेखाली जिल्हा परिषद अध्यक्ष मुक्ता कोकड्डे यांच्या उपस्थितित वाकी दरबार येथे ताजुद्दिन बाबा यांच्या सालाना उर्स च्या तयारी व देखरेखी बाबत आढावा बैठक घेण्यात आली. या बैठकीला सावनेरचे तहसीलदार, पोलीस अधिकारी, खंड विकास अधिकारी, महावितरण अधिकारी, राज्य परिवहन अधिकारी, सार्वजनिक बांधकाम अधिकारी, ग्रामसेवक, तलाठी, पंचायत समिती सदस्य,ग्रा.प. सरपंच व सदस्य, ट्रस्टचे प्रभाकर डहाके, ज्ञानेश्वर डहाके, मधुकर टेकाडे, डॉ. बाबुराव ताजने, डांगोरे उपस्थित होते.
बैठकीत सालाना उर्स शांततेत पार पडावा, ये – जा साठी मार्ग मोकळा द्यावा. महिला सुरक्षा व शौचालय, गर्दीचा बंदोबस्त, चोरापासून सावधगिरी स्वछता, पाणी आदी विषयांवर चर्चा व त्यासाठीची तयारी करण्याबाबत विचार करण्यात आला. यावेळी विविध क्षेत्रातील अधिकारी कर्मचारी यांना आदेश देण्यात आल्याचे ट्रस्टचे अध्यक्ष प्रभाकर डहाके यांनी सांगितले.