पंकेश जाधव पुणे ब्यूरो चीफ (7020794626)
समर्थ पोलिस स्टेशन पुणे शहर
महाराष्ट्र संदेश न्यूज ऑनलाईन पुणे :- पुणे शहर हे आता गुन्हेगारीचं शहर म्हणून ओळखलं जाऊ लागलं आहे. शहरात दररोज काही ना काही घटना घडत आहेत. अशीच एक धक्कादायक घटना उघडकीस आली आहे. प्रेमसंबंधाला नकार दिल्याने रोमिओने थेट अल्पवयीन तरुणीला अॅसिड फेकण्याची धमकी दिली.
राजस्थानला एक विवाह सोहळ्यात तरुण आणि एका अल्पवयीन तरुणीची ओळख झाली. त्या ओळखीत तरुणाला एकतर्फी प्रेम झालं. त्यानंतर तरुणाने सातत्याने त्या अल्पवयीन मुलीला फोन मेसेज करत प्रेम संबंध ठेवण्याची मागणी केली. त्यासोबत तरुण राजस्थानचा स्थायिक असून त्याने पुण्यात येऊन तरुणीचा पाठलाग देखील केला. मात्र, या प्रेमसंबंधाला तरुणीने नकार दिल्याने तरुणाने थेट अॅसिड फेकण्याची धमकी दिली. या प्रकरणी समर्थ पोलीस ठाण्यात संबंधीत आरोपी तरुणावर गुन्हा दाखल करण्यात आला आहे. याबाबत अल्पवयीन मुलीच्या २२ वर्षीय बहिणीने पोलीस स्टेशनमध्ये फिर्याद दिली आहे.
पोलिसांनी दिलेल्या माहितीनुसार, फिर्यादी तरुणीची अल्पवयीन बहीण आणि आरोपी हे एकमेकांचे ओळखीचे आहे. त्यांची एका नातेवाईकाच्या विवाह सोहळ्यात राजस्थान येथे भेट झाली होती. तेव्हापासून आरोपी पीडित मुलीला फोन करून प्रेम संबंध ठेवण्यासाठी जबरदस्ती करत होता. त्याचे फोन पीडितेने न उचलल्याने आरोपीने पुण्यात येऊन पीडितेच्या राहत्या घराजवळ आणि शाळेच्या परिसरात पाठलाग केला.
तर फिर्यादी तरुणी नोकरी करत असलेल्या ठिकाणीही आरोपी पाठलाग करत होता. फिर्यादी तरुणी आणि तिची बहीण या आरोपीसोबत फोनवर बोलण्यास किंवा त्यास भेटण्यास नकार देत असल्याने, आरोपीने दोन्ही बहिणींना अंगावर अॅसिड फेकून त्यांचे जीवाचे बरेवाईट करण्याची धमकी दिली. त्यामुळे अखेर तरुणीने पोलीस ठाणे गाठत आरोपी विरोधात तक्रार दाखल केली. या प्रकरणाचा तपास महिला पोलीस अधिकारी सपना वाघमारे करत आहेत.
