✒️पंकेश जाधव, पुणे ब्यूरो चीफ
महाराष्ट्र संदेश न्युज ! ऑनलाईन पुणे:- दि.०६ मे रोजी स्वारगेट पोलीस वसाहत पुणे येथे पोलीस वसाहतीमध्ये राहत असलेल्या एकुण ४५० पोलीस कुटुंबियांना उपयुक्त अशी अभ्यासिका व ग्रंथालयाचे उद्घाटन मा. श्री. अरविंद चावरिया साहेब, अप्पर पोलीस आयुक्त प्रशासन पुणे शहर, मा. श्री. प्रविण कुमार पाटील साहेब, अप्पर पोलीस आयुक्त पश्चिम प्रादेशिक विभाग पुणे शहर यांचे शुभहस्ते तसेच श्रीमती स्मार्तना पाटील पोलीस उप-आयुक्त परिमंडळ -०२ यांचे प्रमुख उपस्थितीत व मा. श्री. नारायण शिरगांवकर सहा पोलीस आयुक्त स्वारगेट विभाग यांचे मार्गदर्शनाखाली तसेच रोटरी क्लब ऑफ पुणे युनिर्व्हसिटी व कॉन्टिनेन्टल प्रकाशन यांचेकडील अधिकारी तसेच स्वारगेट पोलीस वसाहतीमधील पोलीस कुटुंबातील लोक व स्वारगेट पोलीस स्टेशन कडील अधिकारी व अंमलदार यांचे उपस्थितीत मान्यवरांचे शुभहस्ते अभ्यासिका व ग्रंथालय याचा उद्घाटन समारंभ दि.०६ मे रोजी खुप मोठया उत्साहात पार पडला.
परिसरातीलपोलीस अंमलदार व त्यांचे कुटुंबासाठी अभ्यासिका व ग्रंथालय स्वारगेट पोलीस वसाहती मध्ये उभा करावे अशी एक सुंदर कल्पना सुचल्याने पुणे शहर आयुक्तालयाचे मदतीने सदर कल्पना पुर्णात्वाकडे घेवुन जाण्याचे दिशेने वाटचाल करण्यास सुरुवात केली. सदर ग्रंथालयाचे उभारणीमध्ये रोटरी क्लब ऑफ पुणे युनिर्व्हसिटी व कॉन्टिनेन्टल प्रकाशन पुणे यांनी खुप मोलाचे सहकार्य व हातभार लावल्याने लवकरात लवकर ग्रंथालय उभारणे शक्य झाले आहे. त्यांचेतील रोटरी क्लब ऑफ पुणे युनिर्व्हसिटीचे प्रेसिडेंट श्री. अतुल गलांडे, क्लब सेक्रेटरी श्री विष्णु भेडा व क्लब ॲडमीन सौ. अमृता कुलकर्णी यांनी सदर कार्यक्रम उद्घाटनप्रसंगी पाहुणे म्हणुन हजर राहिले होते.
सदर ग्रंथालय व अभ्यासिकेचा उपयोग हा पोलीस वसाहत स्वारगेट येथील सर्व होतकरु विद्यार्थ्यांना होईल व सदर ग्रंथालयाचे माध्यमातुन वाचनाची परंपरा कायम राहिल असे मनोगत सदर उद्घाटन कार्यक्रमाचे वेळी बोलताना प्रमुख पाहुणे यांनी व्यक्त केले आहे. सदर अभ्यासिका व ग्रंथालय निशुल्क स्वरुपात स्वारगेट पोलीस वसाहतीमध्ये राहत असलेल्या एकुण ४५० पोलीस कुटुंबियांना उपलब्ध करुन देण्यात आले आहे.अशी माहिती वरिष्ठ पोलीस निरीक्षक स्वारगेट पोलीस स्टेशन पुणे शहर यांनी प्रसिद्ध करण्यासाठी दिलेल्या प्रेस नोट मधून दिली आहे.
