आसमा सय्यद, पुणे शहर प्रतिनिधी
महाराष्ट्र संदेश न्युज ! ऑनलाईन पुणे:- येथून एक संतापजनक घटना समोर आली आहे. मार्केटयार्ड परिसरात एका अल्पवयीन मुलीला मारण्याची आणि तिचं कॉलेज बंद करण्याची धमकी देत तिच्यावर बलात्कार करण्यात आल्याच्या घटनेने पुणे शहर हादरल आहे. या प्रकरणी एका 21 वर्षीय नराधमाला पोलिसांनी बेड्या ठोकल्या आहेत.
एका अल्पवयीन मुलीने पुणे शहरातील मार्केटयार्ड पोलीस स्टेशनमध्ये तक्रार दाखल केली आहे होती. पीडितेच्या तक्रारीनंतर पोलिसांनी अभिजीत दिलीप पापळ वय 21 वर्ष रा. अप्पर इंदिरानगर पुणे या नराधमाला अटक केली आहे. त्याच्यावर गुन्हा दाखल करण्यात आला आहे. पोलिसांनी दिलेल्या माहितीनुसार अल्पवयीन मुलगी ही मार्केटयार्ड परिसरात राहते. ती एका नामांकित कॉलेजमध्ये शिक्षण घेते. कॉलेजला जाण्यासाठी ती पीएमपीएमएल बसचा वापर करत होती. याच प्रवासादरम्यान दोघांची ओळख झाली होती. याच ओळखीचा आरोपीने गैरफायदा घेतला आणि तिला धमकी द्यायला सुरुवात केली. तिच्यावर वारंवार बलात्कार केला. डिसेंबर 2022 ते फेब्रुवारी 2023दरम्यान हा सगळा प्रकार घडला आहे.
लॉजवर नेऊन केला अत्याचार….
या अल्पवयीन मुलीला भूगाव येथील एका लॉजवर घेऊन जात अभिजीत पापळ याने अल्पवयीन मुलीच्या इच्छेविरुद्ध तिच्यासोबत लैंगिक संबंध प्रस्तापित केले. त्यानंतर याविषयी कुठे वाच्यता केल्यास किंवा कोणाला काहीही सांगितल्यास ठार मारण्याची धमकी देखील दिली. या सगळ्या प्रकारामुळे मुलगी ही पोलिसांत तक्रार देण्यास घाबरत होती.अखेर हिम्मत करून तरुणीने तक्रार दाखल केल्यानंतर पोलिसांनी नराधम आरोपीला बेड्या ठोकल्या आहेत. या प्रकरणी मार्केटयार्ड पोलीस पुढील तपास करत आहेत.
