आरोग्य सुविधेच्या दृष्टीने हिंगणघाट तालुका माघारलेला.वैद्यकीय महाविद्यालय हिंगणघाट शहरात व्हावी अशी नागरिकांची होत आहे मागणी. जिल्हाधिकारी कर्डिले यांची भेट घेऊन माजी आमदार प्रा.राजु तिमांडे यांनी केली चर्चा.
मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- वर्धा जिल्हयात होणारे वैद्यकीय महाविद्यालय (गव्हर्नमेंट मेडिकल कॉलेज) हे हिंगणघाट शहरात करण्याबाबत माजी आमदार प्रा.राजु तिमांडे यांनी खा.शरद पवार, मुख्यमंत्री एकनाथ शिंदे, उपमुख्यमंत्री देवेंद्र फडणवीस, महाराष्ट्राचे राजपाल, विरोधी पक्षनेते अजित पवार यांना जिल्हाधिकारी कर्डिले यांची भेट घेऊन यांच्या मार्फत निवेदना द्वारे मागणी केली आहे. त्यावेळी सोबत प्रहारचे गजानन कुबडे उपस्थित होते. महाराष्ट्र राज्याच्या अर्थसंकल्पात १४ जिल्हयात वैद्यकीय महाविद्यालय निर्माण करण्याची घोषणा करण्यात आली. त्यामध्ये वर्धा जिल्हात वैद्यकीय महाविद्यालयाचा समावेश करण्यात आला आहे. तरी वर्धा जिल्हात होणारे वैद्यकीय महाविद्यालय हे जनतेच्या सुविधेच्या दृष्टीकोणातुन हिंगणघाट शहरात व्हावी अशी नागरिकांची मागणी आहे.
वर्धा जिल्हयात सेवाग्राम व सावंगी येथै दोन वैद्यकीय महाविद्यालय आहेत.हिंगणघाट शहराची लोकवस्ती सव्वा लाखाच्या वर असुन पोहणा, वडनेर, शेकापुर (बाई), कानगांव, अल्लीपुर, सावली (वाघ), वाघोली सर्कलचा ग्रामीण भाग जवळजवळ तालुक्यातील १६६ गावांनी जोडला गेला आहे. तसेच समुद्रपुर तालुक्यातील १३८ गावे हिंगणघाट शहराला लागुन आहे. तसेच सेलु तालुक्यातील सिंदी (रेल्वे), हमदापुर सर्कलचा ग्रामीन भाग जवळ आहे. चंद्रपुर जिल्हयातील वरोरा तालुका, चिमुर तालुका, हिंगणघाट शहराला लागुन आहे. नागपुर जिल्हयातील उमरेड तहसीलचा संपुर्ण भाग हिंगणघाट शहराला लागुन आहे. यवतमाळ जिल्हयातील पांढरकवडा तहसील, वणी तहसीलचा संपुर्ण परिसर हिंगणघाट शहराला लागुन आहे.
हिंगणघाट शहरातून नॅशनल हायवे नं.७ नागपुर ते हैदराबाद रोड जात आहे. वर्धा ते बल्लारशहा रेल्वे मार्ग हिंगणघाट शहरातुन जात आहे. चंद्रपुर ते नागपुर हायवे हा जाम चौरस्ता असुन हिंगणघाट शहराला लागुन आहे. भौगोलीक दृष्टयासर्वांगीण विचार केला असता हिंगणघाट शहराला लगत आंध्र प्रदेशचा भाग आहे. शहराला लागुन या मार्गावरून खुप मोठ्या प्रमाणात रहदारी असते. या सर्व बाबींचा विचार केला असता नागरिकांच्या वैद्यकीय सेवेसाठी हिंगणघाट शहरात वैद्यकीय महाविद्यालय होणे गरजेचे आहे. तरी महाराष्ट्र सरकारने नागरिकांच्या वैद्यकीय सेवेच्या दृष्टीकोणातुन वर्धा जिल्हयात होणारे वैद्यकीय महाविद्यालय हे हिंगणघाट शहरात करण्यात यावे अशी मागणी माजी आमदार प्रा.राजु तिमांडे यांनी खा. शरद पवार, मुख्यमंत्री एकनाथ शिंदे, उपमुख्यमंत्री देवेंद्र फडणवीस, महाराष्ट्राचे राजपाल, विरोधी पक्ष नेते अजित पवार यांना जिल्हाधिकारी कर्डिले यांची भेट घेऊन यांच्या मार्फत निवेदना द्वारे मागणी केली आहे.
