संदिप सुरडकर नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपुर:- जिल्हातील कामठी येथून एक खळबळजनक घटना समोर आली आहे. येथे एका व्यक्तीने डोक्यात बंदुकीने गोळी घालून आत्महत्या केली. ही घटना समोर येतात संपूर्ण गावात एकच खळबळ उडाली आहे.
कामठी येथे एक व्यक्ती रात्री उशिरा पर्यंत आयपीएलची मॅच बघत होता. त्यानंतर कामठी येथील एका युवा व्यावसायिकाने स्वत:च्या डोक्यात गोळी घालून आत्महत्या केली. ही घटना मंगळवारी सकाळी समोर आली आहे. त्यामुळे कामठी शहरात उलटसुलट चर्चेला उधाण आले आहे. आयुष अजय त्रिवेदी वय 26 वर्ष रा. बंगला नंबर 17 ऑरेंज सीटी, राज रॉयलजवळ, कामठी असे मयत इसमाने नावे आहे.
प्राप्त माहितीनुसार, दैनिक भास्कर वृत्तपत्राचे प्रतिनिधी अजय त्रिवेदी यांचा 26 वर्षीय आयुष त्रिवेदी हे नागपुर जिल्हातील सावनेर – कामठी परीसरात बांधकाम साहित्य पुरवठा करण्याचे काम करीत होता. तो रेती व्यवसायात सक्रिय होता. त्यांच्याकडे काही ट्रक आणि पोकलँड अशी वाहनेही आहेत. गेल्या काही दिवसांपासून आयुष कर्ज बाजारीपणामुळे तणावात राहत होता. आयुषचे आई वडील आणि बहीण खाली तर आयुष पहिल्या माळ्यावर राहत होता. तो सोमवारी रात्री उशिरापर्यंत आयपीएलची फायनल पहात होता.
मंगळवारी सकाळच्या सुमारास चहा – नाश्त्याची वेळ होऊनही तो खाली आला नाही. त्यामुळे कुटुंबाचे सदस्य त्याच्या रूम वर गेले तर दार आतून बंद होते. त्यानंतर कुटुंबियांनी त्याला फोन केले. मात्र प्रतिसाद आला नाही. म्हणून आईने त्याच्या खोलीत डोकावून बघितला असता तो बेडवर रक्ताच्या थारोळ्यात पडून दिसला. कुटुंबियांनी आरडाओरड केल्याने शेजारची मंडळी काय झालं म्हणून धावत आली.
त्यानंतर स्थानीक नागरिकांनी याची माहिती पोलिसांना दिली. तडकाफडकी कामठी पोलिसांचा ताफा घटनास्थळी पोहचला. आणि पंचनामा सुरू केला व फॉरेन्सिकचेही पथक बोलवून घेण्यात आले. त्यांनी आयुषच्या रूमची बारकाईने तपासणी करून तेथून बंदूक तसेच त्याचा मोबाईल जप्त केला. प्राथमिक तपासानंतर पोलिसांनी आयुषने कर्जबाजारूपणाला कंटाळून आत्महत्या केल्याची नोंद केली. मात्र, व्यवसाय चांगला चालत असताना आयुषवर कर्ज कशाचे झाले होते, ते उघड झाले नाही.
आपल्या परिसरातील बातम्या करीता आजच संपर्क साधावा. 9766445348-7385445348
