जोसेफ नडेसन, पुणे शहर प्रतिनीधी
महाराष्ट्र संदेश न्युज ! ऑनलाईन पुणे:- येथून एक खळबळजनक घटना समोर आली आहे. येथे पत्नीच्या त्रासाला कंटाळून एका पतीने गळफास घेऊन आत्महत्या केली. ही घटना लक्ष्मी कॉलनी, हडपसर परिसरातून समोर आली आहे. विलास गेनबा लगड वय 62 वर्ष असे आत्महत्या केलेल्या व्यक्तीचे नाव आहे. याबाबत त्यांचा मुलगा सागर यांनी हडपसर पोलिस ठाण्यात फिर्याद दिली आहे. सुजाता लगड वय 50 वर्ष हिच्याविरुद्ध गुन्हा दाखल केला आहे.
पोलिसांनी दिलेल्या माहितीनुसार, विलास लगड यांच्या पहिल्या पत्नीचे दोन वर्षांपूर्वी निधन झाले. त्यानंतर लगड यांनी सुजाता या महिलेशी दुसरा विवाह केला. सुजाता घर तिच्या नावावर करण्याची मागणी करीत होती. या त्रासाला कंटाळून लगड वेगळे राहत होते. तरीही सुजाताकडून त्रास देणे सुरूच होते. त्यामुळे लगड यांनी हडपसर येथील एका लॉजमध्ये 14 ऑगस्ट रोजी गळफास घेऊन आत्महत्या केली. पोलिसांनी लॉजमधील खोलीतून लगड यांचा मोबाईल आणि चिठ्ठी जप्त केली आहे. पत्नीच्या त्रासामुळे आत्महत्या करीत असल्याचे त्यांनी चिठ्ठीत म्हटले आहे. पोलिसांनी मृतकाच्या पत्नी विरोधात गुन्हा दाखल करून पुढील तपास सुरू आहे.
