पुणे शहर पोलीसांची पुण्यातील भगिनिंना रक्षा बंधनाची अनोखी भेट पुण्यामध्ये चैन स्नैचिंग करणाऱ्या दोन टोळ्यांचे ०६ सराईत आरोपी जेरबंद..

महाराष्ट्र संदेश न्यूज ऑनलाईन पुणे :-दिनांक:- २४/०८/२०२३ रोजी रात्रौ ०९/३० वा थे सुमारास ई-लर्निंग चौक पर्वती दर्शन पुणे येथून रिक्षातुन जाणाऱ्या एका महिलेच्या गळयातील मंगळसूत्र चैन स्नॅचिंग करून दुचाकीवरील दोघे चोरटे पसार झाले त्याबाबत पर्वती मो.स्टे. येथे गु.र.नं. २४६/ २०२३ भा.द.वि. कलम ३९२, ३४ प्रमाणे गुन्हा दाखल होता. तसेच त्याच दिवशी विश्रामबाग पोलीस स्टेशन येथे रात्रौ २१/०० वा चे सुमारास गुन्हा रजि. नं. १८४ / २०२३ भादवि कलम ३९२.३४ प्रमाणे एका महिलेच्या गळ्यातील मंगळसूत्र चोरीचा गुन्हा दाखल होता. दाखल दोन्ही गुन्हयाची अति वरिष्ठ पोलीस अधिकान्यानी दखल घेवून •आरोपींचा शोध तात्काळ घणेकामी पर्वती पोलीसांना आदेशीत केले होते. त्यानुसार मा. सहा. पोलीस आयुक्त श्री. आप्पासाहेब शेवाळे यांनी वरिष्ठ पोलीस निरीक्षक जयराम पायगुडे, पर्वती पोलीस ठाणे यांना तात्काळ तपास पथकातील अंमलदारांची चार पथक तयार करून गुन्हा उघडकीस आणण्याच्या दृष्टीकोनातून कारवाई करण्यास सांगितल त्याप्रमाणे पर्वती पोलीस ठाणेचे तपास पथकाचे पोलीस उप निरीक्षक सुनिल जगदाळे, चंद्रकांत कामठे व तपास पथक अमलदार हे घटनास्थळापासून विवीध प्रकारे आरोपींचा सी. सी. टी.व्हि. पाहून शोध घेत असताना पोलीस नाईक प्रकाश मरगजे व पोलीस अमलदार किशोर वळे यांना सी. सी. टी.व्हि. फुटेज पाहुन आरोपीचे गाडीची व आरोपीची माहिती मिळाली. अधिक माहिती घेतली असता सदरचे आरोपी गुन्हा करून संगम बिज, पुणे येथून त्यांचे मुळ गाव जळगाव येथे ट्रॅव्हल्सने जाणार असल्याची खात्रीशीर माहिती मिळाल्याने सदरची माहिती वरिष्ठांना कळवुन त्याचे मार्गदर्शनाखाली व्यवस्थीत सापळा रचुन आरोपी पळुन जाण्यापुर्वी त्यांना ताब्यात घेतले असता त्यांनी त्यांची नावे १) आकाश ज्ञानेश्वर सूर्यवंशी, वय २५ वर्षे, रा. सध्या राहणार- फ्लॅट नं ४०५, गुरुकृपा अपार्टमेंट, टेल्को कॉलनी, दत्तनगर, कात्रज, पुणे, मुळगाव- सात खोल्याजवळ, प्रजापतनगर, मंबुराबाद रोड, जळगाव २) लोकेश मुकुंदा महाजन, वय २४ वर्षे, रा. सध्या राहणार सदर मुळगाव प्लॉट नं ०७, गट नं १२ समर्थनगर, खेडी बुद्रुक, जळगाव अशी असल्याचे सांगितले. तसेच त्यांचेकडे पोलीस पध्दतीने तपास करता त्यांनी वरील चैन स्नॅचिंग केल्याचे कबुल केल्याने त्यांना अटक करुन त्यांची पोलीस कस्टडी घेतली असता त्यांनी जळगाव येथून येऊन पुणे शहरातील भारती विद्यापीठ, बिबवेवाडी, सहकारनगर, विश्रामबाग पोलीस ठाणे हद्दीत त्याचे साथीदार मित्र यांचेसह व मदतीने चैनस्नॅचिंग केल्याचे कबुल केल्याने तात्काळ पोलीसांनी तपासकामी जळगाव येथे जावुन धाडसाने त्यांचे मुळ गावातुन आरोपी नामे १) प्रसाद उर्फ परेश संजय महाजन वय २५ वर्षे, रा. प्लॉट न. १ ज्ञानदेव नगर जळगाव महाराष्ट्र २) संदीप अरविंद पाटील वय २८ वर्षे, रा. काचननगर, स्वामी समर्थ केंद्राचे मागे, जळगाव महाराष्ट्र ३) दिपक रमेश शिरसाठ वय २५ वर्षे, रा. मु/पो- वरखेडी, ता- पाचोरा, जि- जळगाव महाराष्ट्र यांना सुद्धा ताब्यात घेतले व त्यांनी सुध्दा जळगाव येथुन पुण्यात येऊन चैनस्नॅचिंग केल्याचे उघड झाले आहे. यातील आरोपीनी जळगाव येथून येऊन दत्तनगर कात्रज भागात राहुन पुणे शहरात ०५ ठिकाणी चैन स्नॅचिंग केल्याचे निष्पन्न झाले असून पर्वती भारती विद्यापीठ, सहाकरनगर, बिबवेवाडी व विश्रामबाग या पोलीस स्टेशनमधील ०५ गुन्हे आतापर्यंत उघडकीस आले आहेत आरोपींवर यापुर्वी देखील जळगाव, अकोला, पुणे अमरावती शहरात चैन स्नॅचिंगचे सुमारे ३० च्या वर गुन्हे दाखल आहेत. सदर आरोपींनी गुन्हा कबुल केल्याने त्याचेकडुन सुमारे १,००,०००/- रुपये किमतीचा मुद्देमाल जप्त करून आरोपींना गुन्हयांत अटक करण्यात आली आहे. आरोपी हे अकोला, जळगाव, अमरावती पोलीसांच्या रेकॉर्डवरील गुन्हेगार असुन त्या भागातुन येवुन त्यांनी पुण्यात येवुन चैन स्नॅचिंग सुरु केल्या होत्या. मात्र पर्वती पोलीसांच्या सतर्कतेमुळे सोन साखळी चोराचे जळगाव कनेक्शन उघड झाले असुन त्यांचे आणखीण कोण साथीदार आहेत काय आणि अटक आरोपीनी आणखीण यापूर्वी पुणे शहरात चैन स्नॅचिंग केली अगर कसे याचा सखोल तपास पर्वती पोलीस ठाणे कडील पोलीस उप निरीक्षक सुनिल जगदाळे हे करीत आहेत. तसेच सोन साखळी चोरांना जरब बसावी म्हणुन पर्वती पोलीसांकडुन सदर आरोपींवर कठोरात कठोर कायद्यान्वये कारवाई करण्याची तजवीज ठेवलेली आहे..