पंकेश जाधव पुणे ब्युरो चिफ 7020794626
वानवडी पोलिस स्टेशन पुणे शहर
महाराष्ट्र संदेश न्युज ! ऑनलाइन पुणे:- शहरामध्ये हत्याचे सत्र सुरुच आहे. परत एकदा पुण्यात एका इसमाची हत्या करण्यात आल्याची घटना समोर आली आहे. पुण्यातील वानवडी परिसरात एका तरुणाचा टोळक्याने दगडाने ठेचून हत्या केल्याची धक्कादायक घटना घडली आहे. ही घटना शनिवारी (दि.2) पहाटे 1.00 वाजताच्या सुमारास काळेपडळ संत शिरोमणी नरहरी महाराज मंदिराच्या बाजूला असलेल्या रस्त्यावर घडली आहे. महादेव रघुनाथ मोरे वय 25 वर्ष रा. काळेपडळ असे हत्या झालेल्या तरुणाचे नाव आहे. या गुन्ह्यात पाच अल्पवयीन मुलांचा समावेश असून पोलिसांनी मुलांना ताब्यात घतले आहे. या घटनेमुळे परिसरात खळबळ उडाली आहे.या घटनेची माहिती मिळताच पोलिसांनी घटनास्थळी धाव घेतली. गुन्ह्यातील अल्पवयीन मुलांचा शोध घेऊन त्यांनाताब्यात घेण्यात आले आहे. ही हत्या नेमक्या कोणत्या कारणामुळे करण्यात आली हे अद्याप समजू शकले नाही. पोलीस तपास करीत आहेत.
सदरची कारवाई ही मा. पोलीस आयुक्त पुणे शहर श्री रितेश कुमार, मा. सहपोलीस आयुक्त श्री संदिप कर्णीक, मा. अपर पोलीस आयुक्त पुर्व प्रादेशीक विभाग, पुणे शहर श्री रंजनकुमार शर्मा, मा. पोलीस उपआयुक्त परि ५, पुणे शहर श्री विक्रांत देशमुख व मा. सहा. पोलीस आयुक्त वानवडी विभाग पुणे शहर श्री. शाहुराजे साळवे यांचे मार्गदर्शनाखाली वरिष्ठ पोलीस निरिक्षक भाऊसाहेब पटारे, पोनि (गुन्हे) श्री. पाटणकर व तपास पथकातील पोलीस उपनिरिक्षक संतोष सोनवणे, सरफराज देशमुख , पोहवा / अमजद पठाण, हरीदास कदम अतुल गायवकवाड, पो. अंम. अमोल गायकवाड, संतोष नाईक, निलकंठ राठोड, यतिन भोसले व सोनम भगत यांनी केली आहे.
