पंकेश जाधव पुणे ब्युरो चिफ 7020794626
कोंढवा पोलीस स्टेशन पुणे शहर
महाराष्ट्र संदेश न्युज ! ऑनलाईन पुणे:- ऑनलाइन फसवणूक करण्याच्या घटना वाढीस लागल्या आहेत. सायबर चोरट्यांनी 32 हजार रुपयांची फसवणूक केल्याचा प्रकार उघडकीस आला आहे. याबाबत एका महिलेने पुणे शहरातील कोंढवा पोलीस ठाण्यात फिर्याद दिली आहे. सुजाता भगवान शेट्टी असे फसवणुक झालेल्या महिलेचे नाव आहे.
सुजाता भगवान शेट्टी हिने आपली फसवणूक झाल्याचे लक्षात आल्यानंतर त्या महिलेने कोंढवा पोलीस स्टेशन येथे ऑनलाईन सायबर तक्रार अर्ज क्रमांक – 439/2023 दिला होता. त्यात म्हटल होत की, अर्जदार सौ. सुजाता भगवान शेट्टी यांचे बँक अकाउंट मधून लिंकद्वारे अज्ञात इसमांनी 32 हजार रूपये अज्ञात इसमांनी काढले अशी तक्रार दाखल केली होती.ही फसवणुकीची तक्रार प्राप्त होताच पोलिसांनी तडकाफडकी कारवाई करत संबधीत बँक बरोबर लागलीच फोन वरून तसेच ईमेल व्दारे संपर्क करून अर्जदार यांना सदर रक्कम एकुण 32000 रूपये परत मिळवून देण्यात आले आहेत.
कोंढवा पोलिसांनी या प्रकरणी दाखवलेल्या समयसूचकतेमुळे आज एका महिलेला तिचे पैसे परत मिळाले.
सदरची कामगिरी मा. संतोष सोनवणे वरीष्ठ पोलिस निरीक्षक कोंढवा पोलिस स्टेशन, संदिप भोसले पोलिस निरीक्षक (गुन्हे), पोलिस निरीक्षक (गुन्हे) संजय मोगले पोलिस निरीक्षक (गुन्हे) , सहाय्यक पोलिस निरीक्षक सौ.योगिता कुदळे यांचे मार्गदर्शनाखाली पोशि. 10018 शेलार यांनी केलेली आहे.
