रविंद्र भदर्गे, जालना उपजिल्हा प्रतिनिधी
महाराष्ट्र संदेश न्युज ! ऑनलाईन जालना :- जिल्हातील परतूर तालुक्यात मागील अनेक दिवसापासून कायद्याचा धाक राहिला नाही असे चित्र पाहायला मिळत आहे तालुक्यातील अनेक गावात मोठ्या प्रमाणावर पत्ते, गुटखा विक्री तसेच अवैध दारू विक्री होत असताना पोलीस प्रशासन फक्त बघ्याची भूमिका घेत असल्याचे पाहायला मिळत आहे. याकडे वरिष्ठ अधिकारी सुद्धा लक्ष द्यायला तयार नाही
तालुक्यातील अनेक गावात अनेक वेळा नशेच्या आहारी जाऊन वाद विवाद होऊन गंभीर स्वरूपाचे गुन्हे घडण्याची शक्यता नाकारता येत नाही तसेच तालुक्यातील अनेक गावात मोठ्या प्रमाणावर पत्ते खेळताना दिसत आहे याकडे स्थानिक पोलीस प्रशासन लक्ष द्यायला तयार नाही तर वरिष्ठ अधिकारी सुद्धा डोळेझाक करून वेळ काढून नेत आहे तर स्थानिक गुन्हे शाखा ही अश्या लोकांवर कारवाई करायला पुढे येतांना दिसून येत नाही या सर्व प्रकारामुळे तालुक्यातील तरुण पिढी नशेच्या तसेच जुगाराच्या आहारी जात आहे
जर स्थानिक पोलीस प्रशासन कारवाई करणार नाही तर कमीत कमी वरिष्ठ अधिकारी यांनी लक्ष देणे अपेक्षित असतांना त्यांनी सुद्धा डोळेझाक केली आहे. याबाबत स्थानिक नागरिकांनी कोणाकडे जायचे असा प्रश्न त्यांच्या समोर पडला आहे
दुचाकी व मोबाईल चोरांचा सुळसुळाट मागील एक महिन्या भरात शहरातून व पोलीस ठाण्याच्या हद्दीतील अनेक दुचाकी भर बाजातून चोरी जात आहे. यासोबतच मोबाईल चोरांनी सुद्धा धुमाकूळ घातला असतांना याकडे सुद्धा दुर्लक्ष केले जात आहे याकडे पोलीस महासंचालक यांनी लक्ष देऊन स्थानिक नागरिकांना आधार देण्याची व अवैध धंदे वाल्यांविरोधात कारवाई करण्याची मागणी केली जात आहे.
तसेच सध्या आर्थिक व्यवहार ‘डिजिटल’ झाले असून, त्याला मटका आणि पत्त्यांचा जुगारही अपवाद राहिला नाही. जुगार खेळणाऱ्यांनीही शक्कल लढवत जुगार ‘हायटेक’ केला आहे. त्यामुळे परतुर पोलिसांना कारवाईसाठी अडचणी निर्माण होण्याचा नाटक करू लागत आहेत.
ताशपत्त्याच्या जुगाराचे अनेक अड्डे तालुक्यात आहेत. स्थानिक पोलीस आणि गुन्हे शाखा वारंवार छापे घालत असल्यामुळे अनेक जुगार अड्डे संचालकांवर गुन्हे दाखल झाले आहेत. जुगार अड्ड्यांवरील छापेमारी लक्षात घेता आता ताशपत्त्याचा जुगार खेळ ‘डिजिटल’ करण्यात आला आहे. जुगार खेळणाऱ्यांनी नवीनच शक्कल लढवली असून, जुगाराच्या खेळात हाती पैसे लागणार नाही, अशी व्यवस्था केली आहे. स्थानिक सत्ताधारी नेत्यांच्या राजकीय वरद हस्तामुळे तालुक्यात मटका जुगाराचे पत्त्याचे क्लब धंदे तेजीत असून, हायटेक मटका आणि जुगाराच्या धंद्यांनी सामान्य नागरिकाच्या नाकात दम आणला आहे.
हारजीतची बाजी खेळताना जुगारात थेट पैसे न टाकता जिंकणाऱ्या व्यक्तीला ऑनलाईन देवाण-घेवाण करण्यात येत आहे. त्यासाठी ‘पेटीएम, गुगल पे, फोन पे’ अशा मोबाईल अॅपचा वापर करण्यात येतोय. या जुगारात एकमेकांना ‘फोन पे ॲपवर पैसे पाठवून जुगार खेळत असल्याने जुगार ‘ऑनलाईन’ खेळाला जात आहे. तालुक्यात अवैध. मटका बाबत बातमी पुरावे सोबत छापूनही कारवाई होत नाही ही बाब आश्चर्यजनक आहे कारवाई होणार का नाही यावर लक्ष लागला आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
