मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- भारतीय जनता पक्षाचे वतीने जिल्हाध्यक्ष सुनिल गफाड यांनी संन २०२३ ते सन २०२६ या चार वर्षांचे कालावधीकरिता नवनियुक्त वर्धा जिल्हा कार्यकारणी नुकतीच जाहीर केली आहे. आगामी काळात होऊ घातलेल्या लोकसभा, विधानसभा व स्थानिक स्वराज संस्थेच्यां निवडणुकीच्या दृष्टीने नवनियुक्त पदाधिकाऱ्यांची निवड महत्वपूर्ण मानली जात आहे.
हिंगणघाट विधानसभा मतदार क्षेत्रात बहुतांश नवीन व धडाडीच्या कार्यकर्त्यांना संधी देण्यात आली आहे. त्यामुळे या मतदार संघात भाजपला अधिक बळकटी देण्याचे काम वरिष्ठ पातळीवरून करण्यात आले आहे. हिंगणघाट विधानसभा क्षेत्रातून भाजपाचे माजी जिल्हा महामंत्री किशोर दिघे तसेच माजी नगरसेविका छाया सातपुते यांचेवर उपाध्यक्ष पदाची जबाबदारी सोपविण्यात आली आहे. कोषाध्यक्षपदी भूपेंद्र शहाणे यांना कायम ठेवण्यात आले आहे. जिल्हा चिटणीसपदी माजी नगरसेवक प्राध्यापक किरण वैद्य तसेच वडनेर येथील तुषार आंबटकर यांची नियुक्ती करण्यात आली आहे.
हिंगणघाट तालुकाध्यक्षपदी विनोद विटाळे तर समुद्रपूर तालुकाध्यक्षपदी बाजार समितीचे उपसभापती वामन चंदनखेडे व समुद्रपूरचे माजी नगराध्यक्ष गजानन राऊत तसेच सिंधी रेल्वे शहर अध्यक्ष पदी ओमप्रकाश राठी यांची नियुक्ती करण्यात आली आहे. सर्वांचे लक्ष लागलेल्या हिंगणघाट शहराध्यक्षपदी भूषण पिसे यांची निवड करण्यात आली आहे. याव्यतिरिक्त हिंगणघाट विधान सभा क्षेत्रातून जिल्हा कार्यकारणी सदस्य व कायम स्वरुपी निमंत्रित सदस्यांचां समावेश आहे.
भारतीय जनता पक्षाने जाहीर केलेली कार्यकारणी सर्वसमावेशक असून अनुभवी तसेच नवीन पदाधिकाऱ्यांना संधी देऊन योग्य समन्वय साधण्यात आला आहे. त्यामुळे पक्ष संघटनेला अधिक बळकटी मिळेल. अशी प्रतिक्रिया हिंगणघाट विधानसभेचे आमदार समीर कुणावर यांनी दिली आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
