श्याम भूतडा, बीड जिल्हा प्रतिनिधी
महाराष्ट्र संदेश न्युज ! ऑनलाईन बीड:- येथून एक खळबळजनक घटना समोर आली आहे. येथे गुप्तधन काढण्यासाठीच्या पुजेला बसण्याचा आग्रह केल्यानंतर महिलेने विरोध करताच मारहाण करून तिच्यावर पती व सासऱ्याने अनैसर्गिक अत्याचार केला. ही धक्कादायक घटना बीड शहरात समोर आली. या प्रकरणी शिवाजीनगर पोलिसांत पती, सासरा, नणंद, नंदावा यांच्यावर विवाहित महीलेच्या तक्रारीवरुन अनैसर्गिक अत्याचार व जादूटोणा विरोधी कायद्यानुसार गुन्हा नोंद करण्यात आला. पतीला पोलिसांनी अटक केली आहे.
पीडित विवाहित महिला ही शहरातील विद्यानगर भागात राहते. तिला एक २ वर्षीय मुलगा आहे. छळामुळे त्यांनी महिला तक्रार केंद्रात सासरच्या मंडळींविरोधात तक्रार दिली होती. समुपदेशना नंतर त्या पुन्हा नांदायला आल्या. गुप्तधनासाठी पती, सासू, सासरे हे घरी भोंदूबाबांना बोलावून सातत्याने पुजा करत होते व पुजेसाठी मोठी सून म्हणून पिडीतेला बसवत होते. घाबरुन विवाहिता आजारी पडत होती. यामुळे पतीसह ती दुसऱ्या ठिकाणी रहायला गेली.
दरम्यान, ३ जानेवारी रोजी पुजेसाठी नकार दिल्याने तिला मारहाण केली गेली. १६ सप्टेंबर रोजी नणंद व नंदावी यांनी घरी येऊन पुजेला बसण्याची धमकी दिली. तर, ४ ऑक्टोबर रोजी सासरे हे दुसऱ्या घरी गुप्तधनासाठीच्या पुजेला चल म्हणत आग्रह करू लागले. या विरोधानंतर पतीने मारहाण करुन हात बांधून व तोंडात बोळा कोंबून पिडीतेवर अनैसर्गिक पद्धतीने अत्याचार केला. त्यानंतर सासऱ्यानेही अशाच प्रकारे अनैसर्गिक अत्याचार केला. यानंतर पिडीतेने आईला फोनवरून याची माहिती दिली. हे पतीला कळताच काही वेळाने पती मोबाईल व मुलगा घेऊन गेला. यानंतर पिडीतीने मुलगा परत मिळावा यासाठी महिला तक्रार केंद्रात घेतली. पोलिसांनी धाव नवऱ्याला फोन करताच त्याने मुलगा परत दिला.
पोलीसांनी दिलेल्या माहितीनुसार, आरोपींनी गुप्तधन काढण्यासाठी घरात पूजा मांडली होती. या पूजेला बसण्यासाठी आरोपींनी पीडितेला आग्रह केला. मात्र, या गोष्टीला पीडित महिलेने विरोध केला. त्यामुळे पती आणि सासऱ्यांनी तिला बेदम मारहाण केली. आरोपी इतक्यावरच थांबले नाही, तर त्यांनी पीडित महिलेचे हातपाय बांधले. तसेच तिच्या तोंडात बोळा कोंबून अनैसर्गिक अत्याचार केला. या संपूर्ण प्रकारानंतर पीडित महिलेने पोलिसांत धाव घेत आपल्यासोबत घडलेला प्रकार पोलिसांसमोर कथन केला
