आशिष अंबादे, वर्धा जिल्हा प्रतिनिधी
महाराष्ट्र संदेश न्युज ऑनलाईन वर्धा:- वर्धा जिल्हातील पोलीस दल कायमच कुठल्या न कुठल्या कारणाने नेहमी चर्चेत असतं. कधी तिथल्या कायदा सुवस्थेचे तीनतेरा उडाल्याच्या नकारात्मक बातमीमुळे तर कधी पोलीस अधीक्षक नूरुल हसन यांच्या गुन्हेगारांवर धडक कारवाई मुळे आता परत एका कारणाने चर्चेत आले आहे. पोलीस अधीक्षक नूरुल हसन यांनी एक पोलीस कर्मचाऱ्याला तडकाफडकी बडतर्फ केल्याने संपूर्ण पोलीस विभागात खळबळ उडाली आहे.
काहीना गैरहजर राहण्याचा रोग असतो. त्यास मग माफी नसतेच. इथेही तसेच झाले. पोलीस मुख्यालयात कार्यरत पोलीस अंमलदार अभिनंदन लाउत्रे यांची १४ वर्षे ९ महिने सेवा झाली, मात्र या कालावधीत ते चक्क १ हजार ४३ दिवस गैरहजर राहिले. सेवा अभिलेखात तशी नोंद झाली होती.
हा कर्मचारी नेमून दिलेले कार्य न करता नाहक गैरहजर राहतो, असा ठपका ठेवून त्यास यापूर्वी दोन वेळा निलंबित करण्यात आले होते. चौकशीत दोषी आढळून आल्याने शिक्षापण झाली. वर्तणुकीत सुधारणा झाल्याचे दिसून येत नसल्याने अखेर त्यांची विभागीय चौकशी करण्यात आली. दोषारोप सिद्ध झाल्यावर पोलीस अधीक्षक नुरुल हसन यांनी लोउत्रे यांना बडतर्फ केले. महाराष्ट्र पोलीस नियमानुसार शासन सेवेतून कमी करण्याची शिक्षा झाली आहे.
