पंकेश जाधव, पुणे जिल्हा प्रतिनिधी
पुणे,दि.०६ सप्टेंबर:- रोजी यश हॉटेलच्या पाठीमागे पत्र्याच्या मोकळ्या शेड मध्ये राख पसरे वस्ती, लोहगाव, पुणे येथे बेकायदेशीरपणे कल्याण मटका जुगार खेळत व खेळवत असलेबाबत पोलीस अधिकारी यांना बातमीदार मार्फतीने खात्रीशीर गोपनीय बातमी मिळाली..
सदर ठिकाणी सामाजिक सुरक्षा विभाग गुन्हे शाखेकडील अधिकारी व पोलीस अमलदार यांनी गोपनियरित्या पाळत ठेवुन, छापा टाकला असता, काही इसम बेकायदेशीर कल्याण मटका जुगार पैशांवर खेळत असल्याचे जुगार घेणारे व जुगार खेळणारे असे एकुण १२ इसम मिळुन आले. त्यांना ताब्यात घेवुन त्यांच्या ताब्यातील रोख रक्कम २०,०७०/- रूपये घटना स्थळावरून जप्त केले. सदर प्रकरणी नमुद १२ इसमां विरूध्द विमानतळ पोलीस स्टेशन येथे गुरनं. ३४०/२०२२, महाराष्ट्र जुगार बंदी अधिनियम कलम १२६ (अ) अन्वये गुन्हा नोंद करण्यात आला असुन, सदर आरोपी यांना पुढील कारवाई करीता विमानतळ पोलीस स्टेशनच्या ताब्यात देण्यात आले आहे.
सदरची कामगिरी श्री. अमिताभ गुप्ता, मा. पोलीस आयुक्त, पुणे शहर, श्री. संदिप कर्णिक, मा. पोलीस सह आयुक्त, पुणे शहर, श्री रामनाथ पोकळे, मा. अपर पोलीस आयुक्त, गुन्हे, पुणे, श्री. श्रीनिवास घाडगे, मा. पोलीस उप आयुक्त गुन्हे यांचे मार्गदर्शनाखाली सामाजिक सुरक्षा विभागाचे वरिष्ठ पोलीस निरीक्षक विजय कुंभार तसेच पोउपनि श्रीधर खडके, पोलीस अंमलदार अजय राणे, प्रमोद मोहिते, पुष्णेंद्र चव्हाण या पथकाने केली आहे.
