रितेश गाडेकर वाशिम प्रतिनिधी
महाराष्ट्र संदेश न्युज ! ऑनलाईन अनसिंग:- अनसिंग येथील एक खळबळजनक घटना समोर आली आहे. येथील पशुवैद्यकीय अधिकारी सतत गैरहजर राहत असल्यामुळे पशुवैद्यकीय दवाखाना सोडला वाऱ्यावर सोडला काय अशा प्रश्न निर्माण झाला आहे. स्थानिक पशुवैद्यकीय अधिकारी सतत गैरहजर राहत असून मुख्यालयी राहत नसल्याने पशुपालकांना खाजगी वैद्यकीय डॉक्टरकडे जावे लागत आहे. स्थानिक पशुवैद्यकीय दवाखानातील पशुवैद्यकीय अधिकाऱ्याच्या दिवसान दिवस तक्रारी वाढत आहेत.
अनसिंग येठील पशुवैद्यकीय दवाखान्यात एक डॉक्टर व दोन दुसरे कर्मचारी असून ते सतत गैरहजर राहत असून मुख्यालयी सुधा राहत नसल्याने गावातील पशुपालकांना परत जावे लागत आहे. दवाखान्याची वेळ सकाळी सात ते बारा व दुपारी तीन ते सहा असून या वेळी डॉक्टरची नियमित पणे गैरहजेरी असते. पशुवैद्यकीय अधिकाऱ्याच्या गैरहजेरीमुळे अनेकदा वेळीच उपचार न मिळाल्यामुळे अनेक पशू दगावल्याच्या तक्रारी आहेत. त्यामुळे पशुवैद्यकीय दवाखाना हा असून नसल्यासारखा रोष पशुपालक तर्फे व्यक्त केल्या जात आहे. त्यामुळे निर्माण होणाऱ्या गंभीर परिस्थिती संदर्भात कोणाला विचारणा करावी हा प्रश्न पशुपालकांना निर्माण झाला आहे.
तर अश्या बेजबाबदार पशुवैद्यकीय अधिकाऱ्यावर त्वरित कारवाई करावी. तसेच पशुपालकांना औषध उपचार अभावी नुकसान होणार नाही याची उपाययोजना करावी अशी मागणी स्थानिक ग्रामस्थांनी केली.
