मुकेश चौधरी, कार्यकारी संपादक
महाराष्ट्र संदेश न्युज ! ऑनलाईन हिंगणघाट:- शहरातून एक खळबळजनक घटना समोर आली आहे. येथील नवराष्ट्र वृत्त समूहाच्या पत्रकाराचे काही व्यक्तींनी हल्ला करून अपहरण करण्याचा प्रयत्न केला. या हल्ल्यातून ते थोडक्यात बचावले. 19 तारखेला सायंकाळच्या सुमारास ही घटना घडली होती. ही घटना समोर येताच संपूर्ण शहरात एकच खळबळ माजली आहे.
हिंगणघाट शहरातील नवराष्ट्र या प्रसिद्ध वृत्तपत्राचे पत्रकार सोनू आर्या यांनी मागील अनेक दिवसापासून जनतेच्या वेगवेगळ्या प्रश्नावर आपल्या वृत्तपत्रातून आवाज उठविला होता. त्यात पत्रकार सोनू आर्या याचे हिंगणघाट शहरातील मास्टर कॉलनी परिसरातून अपहरण करण्याचा घाट काही आरोपींनी घातला होता. पण सुदैवाने यात आरोपींना यश आले नाही. यावेळी आरोपीच्या तावडीतून पत्रकार सोनू आर्या यांनी कशीतरी सुटका करून पोलीस स्टेशन गाठले आणि आरोपी विरोधात गुन्हा दाखल केला आहे.
सूत्रांच्या माहितीनुसार पोलिसांनी दोन आरोपीला अटक केल्याची माहिती समोर आली आहे. त्यात एक आरोपी कोठेवार असल्याची माहिती मिळाली आहे. या आरोपीकडून पोलीस विचारपूस करत आहे. या अपहरणाचा मुख्य मास्टरमाईंड कोण आहे याकडे सर्व शहरवासीयांचे लक्ष लागले आहे. पोलीस या प्रकरणी तपास करत असून लवकरच याचा मास्टरमाईंड समोर येणार असे सांगण्यात येत आहे.
