✒️ राज शिर्के, मुंबई प्रतिनिधी
मुंबई:- महाराष्ट्र खासदार नवनीत राणा आणि शिवसेना यात वाक युद्ध मागील अनेक दिवसा पासून सुरू आहे. त्यात आता शिवसेनेच्या महिला नेत्यांनी नवनीत राणा वर टीका केली आहे. “नवनीत राणा जरा तोंड सांभाळून बोला. कोण आहात आपण ‘सी’ ग्रेड फिल्ममध्ये काम करणाऱ्या एक अभिनेत्रि. एक आमदार आपल्यावर भाळला आणि राजकारणात आपला चंचू प्रवेश झाला. अशा शब्दांत शिवसेना प्रवक्त्या संजना घाडी यांनी नवनीत राणांच्या टीकेला प्रत्युत्तर दिले आहे.
हनुमान चालिसा पठण करू न दिल्यामुळेच राज्यातील उद्धव ठाकरे यांचे सरकार पडले, ही तर सुरवात आहे. आगामी मुंबई महापालिका निवडणुकीत उद्धव ठाकरेंचा सर्वनाश होणार, अशी टीका खासदार नवनीत राणा यांनी पत्रकारांशी बोलताना व्यक्त केले होते. या टीकेनंतर संजना घाडी यांनी नवनीत राणांवर आगपाखड केली आहे.
शिवसेना प्रवक्त्या संजना घाडी म्हणाल्या की, काय संबंध आपला हनुमान चालीसाशी हनुमानाला हनुमान का म्हणतात? याचं साधं उत्तर मुलाखतीमध्ये आपल्याला देता आलं नाही. म्हणे मी हनुमान भक्त. भाजपाच्या सी, डी, टीम म्हणून काम करणाऱ्या मनसेने भोंग्यांच्या विषयासाठी मशिदीसमोर हनुमान चालीसा वाचा म्हणून सांगितलं. तर तुम्ही डायरेक्ट मातोश्रीवर हनुमान चालीसा वाचायला निघालात. ज्या बाईला लाखो शिवसैनिकांचे श्रद्धास्थान असलेलं मातोश्री या मंदिरातला आणि मशिदीतला फरक कळत नाही त्या बाईला आणखी कशी वागणूक मिळायला पाहिजे होती.
शिवसेना नेत्यांनी केल्याला या टिकेला खासदार नवनीत राणा कसा पलटवार करणार हे समोर दिसून येणार आहे
