प्रविण जगताप, वर्धा उपजिल्हा प्रतिनिधी
मो . 9284981757
महाराष्ट्र संदेश न्यूज ! ऑनलाईन हिंगणघाट:- तालुक्यातील आजनसरा चौफूली वर वारंवार अपघात होत असताना राष्ट्रवादी युवक काँग्रेसचे जिल्हा उपाध्यक्ष गूरूदयालसिंग जूनी यांनी तहसीलदार, जिल्हाधिकारी व टोल प्लाझा दारोडा यांना स्पीड ब्रेकरची निवेदनाद्वारे मागणी केली होती. व १८डिसेंबर २०२३ रोजी आजनसरा चौफूली ब्रेकर लावा या मागणीला आज यश मिळाले आहे.
राष्ट्रीय महामार्ग 44 श्री. काळे यांच्याशी चर्चा करून यांनी डांबरी स्पीड ब्रेकर देण्यास त्यांच्या कडे कोणतेही प्रकारचे जीआर उपलब्ध नाही असे सांगितले त्यांनी सांगितले आपण पांढरा पट्टी स्पीड ब्रेकर देऊ शकतो. जूनी यांनी म्हटले की काहीही करा आपल्याला जे काही करायचं असेल ते तुम्ही करा फक्त या चौफूली गाडीची स्पीड कमी कशी करता येईल यावर उपाययोजना करा व त्याची दखल घेत आज पांढरा पट्टा स्पीड ब्रेकर देण्यात आले.
या भागातल्या ४० ते ५० गावातील ग्रामीण भागातले नागरिक या वडनेर गावातून वेगवेगळ्या ठिकाणी जाण्या येण्याकरिता येत असतात त्यावेळी त्यांना कठीणाईचा सामना करावा लागत आहे. असे त्यांच्या लक्षात आणून दिले मागणी स्वरूपात आज आपल्याला यश मिळाले त्या अनुषंगाने गुरुदयाल सिंग जुनी यांनी अधिकारी साहेबांचे आभार व्यक्त केले.
