प्रविण जगताप, वर्धा उपजिल्हा प्रतिनिधी
मोबा. 9284981757
महाराष्ट्र संदेश न्युज ! ऑनलाईन हिंगणघाट:- वंचित बहुजन आघाडीने आगामी काळात होऊ घातलेल्या निवडणुकीसाठी जोरदार मोर्चे बांधणी सुरू आहे. त्यामुळे 18 फेब्रुवारीला वर्धेत वंचित बहुजन आघाडीचे अध्यक्ष ॲड प्रकाश आंबेडकर यांची महाएल्गार सभा होणार आहे. त्यामुळे हिंगणघाट येथील विश्राम गृहात वंचित बहुजन आघाडीच्या वतीने तयारीचा आढावा घेण्यासाठी बैठक आयोजित केली होती.
हिंगणघाट येथील विश्राम गृह येते वर्धा येथे होऊ घातलेल्या 18 फेब्रुवारीला गणेशनगर बोरगाव मेधे येथील बी.एम.डब्लू. ग्राऊंडवर प्रकाश आंबेडकर यांची महाएल्गार सभा होणार असून त्यासंबंधी जय्यत तयारी जिल्हात सुरु आहे. त्यामुळे वरिष्ठ पदाधिकाऱ्यांकडून तयारीचा आढावा घेण्यात येत असून शासकीय विश्राम गृह हिंगणघाट येते तालुकाध्यक्ष विवेक कांबळे यांचे अध्यक्षतेखाली हिंगणघाट व समुद्रपूर तालुक्याची संयुक्त बैठक घेण्यात आली. त्यानुसार घरोघरी हस्तपत्रके वाटणे, लोकवर्गणी गोळा करणे, डिजिटल फ्लेक्स लावणे, सुरु असून शेवटच्या चार दिवसात शहरांत मोटार सायकल प्रचार रॅली काढणे व ध्वनीक्षेपकावरून जाहिरात करण्याचे नियोजन आहे.
यावेळी महाविकास आघाडीत प्रकाश आंबेडकरांचा समावेश होणार की ते स्वतंत्र लढतील याची उत्सुकता लागली असतानाच त्यावर मराठा आणि ओबीसी आरक्षण वादावर आंबेडकर काय भूमिका घेतील याकडे जिल्हातील जनतेचे लक्ष लागले आहे.
सदर बैठकीत वंचितचे पूर्व समन्वयक किशोर खैरकार, जिल्हाप्रभारी बंडूभाऊ नगराळे, जिल्हा अध्यक्ष मनोज वरखडे, सुभाष खंडारे, अशोक रामटेके, कुणाल वासेकर, पंखज भगत, रवी कांबळे, व इतर पदाधिकाऱ्यांनी महत्वपूर्ण सूचना मांडल्या. तत्पूर्वी महाराष्ट्राच्या प्रसिद्ध आंबेडकरी गायिका (कव्वाल) दिवंगत किरण पाटणकर यांना श्रद्धांजली वाहण्यात आली.
त्यानंतर तालुका व शहर कार्यकारणीचे पादाधिकाऱ्यांचे अभिनंदन करण्यात आले. या बैठकीचे प्रास्ताविक सिद्धार्थ जामणकर यांनी केले तर संचालन स्वप्नील येसंबरे यांनी केले आभार अजय डांगरे यांनी व्यक्त केले.
