अनिल कडू विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- तालुक्यातील वडनेर पोलिस ठाण्याच्या हद्दीत येणाऱ्या ढिवरी पिपरी येथील तरुण शेतकऱ्याने सततची नापिकी आणि कर्जबाजारी पणाला कंटाळून राहत्या घरात विष प्राशन करून आत्महत्या केल्याची मनहेलावणारी घटना समोर आली आहे. विशाल शंकर धगडे वय ३५ वर्ष असे मयत तरुण शेतकऱ्याचे नाव आहे. घेत आयुष्य संपविले. विष प्राशन करून तरुण मुलगा गेल्याने आईचा आक्रोश मन हेलावून टाकणारा होता.
ढिवरी पिपरी येथे स्वताच्या घरी शेतकरी विशाल शंकर धगडे यांनी कर्ज बाजारी पणाला कंटाळून 14 फेब्रुवारीला सायंकाळी 7 वाजताच्या सुमारास विष प्राशन करून आत्महत्या केली. विशाल ने विष पाजून केल्याचे कळताच त्याला नागरिकांनी उपचारासाठी वडनेर येथिल ग्रामीण रुग्णालयात दाखल करण्यासाठी नेत असताना त्याचा वाटेतच मृत्यू झाला. या घटनेमुळे संपूर्ण गावात हळहळ व्यक्त करण्यात येत आहे.
पोलिसांकडून प्राप्त माहितीनुसार विशाल धगडे यांनी सततच्या नापिकीमुळे कर्ज बाजारी पणाला कंटाळून रहात्या घरी विष प्राशन केले. हि बाब लक्षात येताच नागरिकांनी त्यांना उपचारासाठी वडनेर येथिल ग्रामीण रुग्णालयात दाखल करण्यासाठी नेत असताना त्याचा वाटेतच मृत्यू झाला. त्यांच्या मागे मुली, मुलगा आणि मोठा आप्त परिवार आहे. वडनेर पोलिसांनी यासंबंधी पंचनामा करून मर्ग दाखल केला असून पुढील तपास ठाणेदार संजय मिश्रा यांच्या मार्गदर्शनात पोलीस कर्मचारी करीत आहे.
