हनिशा दुधे चंद्रपूर जिल्हा ग्रामीण प्रतिनिधि
महाराष्ट्र संदेश न्युज ! ऑनलाईन बल्लारपूर:- येथून एक खळबळजनक घटना समोर आली आहे. दिनांक १७ फेब्रुवारी रोजी बिबट्याने घरात घुसून एका व्यक्तीवर हल्ला केला या हल्लात सदर व्यक्ती जखमी झाला आहे. ही घटना समोर येताच संपूर्ण शहरात दहशत पसरली आहे.
प्राप्त माहितीनुसार बल्लारपूर शहरातील दिनदयाळ वार्ड मध्ये काल रात्री 10.30 वाजताच्या सुमारास बिबट्याने सोमनाथ जयस्वाल, वय 55 वर्ष नामक व्यक्तीच्या घरात घुसून हल्ला केला या हल्ल्यात सोमनाथ जयस्वाल हे जखमी झाले आहे.
दिनदयाळ वार्ड, पेपर मिल न्यू कॉलनी बांबू डेपो येथे बिबट्याचा धुमाकूळ घातला असून मागील दिवसात एक महिला वर सुध्दा वार करण्याचा प्रयत्न केला होता. त्या महिलेने बिबट्याला हाकलून लावले होते. कालच्या घटनेत बिबट्याने सोमनाथ जयस्वाल यांचा वर हल्ला करताच जोराने किंकाळी दिल्याने बिबट्या तेथून पसार झाला. सोमनाथ यांना बिबट्याने त्यांच्या हाताला खोरबळले. त्यामुळे दिनदयाळ वार्ड मध्ये भीतीचे वातावरण निर्माण झाले आहे. त्यामुळे याचा बंदोबस्त करण्यासाठी नागरिक आक्रमक झाले आहे.
या विषयी नरेश भोवरे वनपरिक्षेत्र अधिकारी यांना विचारले असता त्यांनी सांगितले की त्या परिसरात पेट्रोलिंग सुरू असून ती बिबट मादी असून तिला एक बछडा आहे.
