✒️प्रविण जगताप ✒️
महाराष्ट्र संदेश न्युज प्रतिनिधी
यवतमाळ:- जिल्हातून एक खळबळजनक घटना समोर आली आहे. त्यामुळे संपूर्ण जिल्हा हादळला आहे. पोलिस मुख्यालयाच्या गेटवर जाऊन पोलिस कर्मचाऱ्याचा खून केल्याची धक्कादायक घटना यवतमाळमध्ये घडली आहे. निशांत खडसे असे
मृत पोलिस कर्मचाऱ्याचे नाव आहे. या घटनेमुळे जिल्हा
पोलिस दलात खळबळ उडाली आहे.
पोलिसांनी दिलेल्या माहितीनुसार, अवधुतवाडी पोलिस स्टेशनच्या हद्दीत पोलिस मुख्यालयाचा दारात ही घटना
घडली आहे. निशांक खडसे हे कामानिमित्त पोलिस
मुख्यालय येथे आले होते. त्यावेळी मुख्यालयाच्या समोरच दबा धरून बसलेल्या अज्ञात मारेकऱ्याने अचानक निशांक खडसे यांच्यावर धारदार शस्त्राने
हल्ला केला. खडसे यांच्यावर धारदार शस्त्राने सापासप
वार करून गंभीर जखमी केले. हल्ला केल्यानंतर मारेकरी पळून गेला. खडसे हे या हल्यात मोठ्या प्रमाणात गंभीर झाले यांना तातडीने रुग्णालयात दाखल करण्यात आले होते. पण, अतिप्रमाणात रक्तस्त्रावर झाल्यामुळे डॉक्टरांनी त्यांना तपासून मृत घोषित केले.
पोलिस मुख्यालयाच्या गेटजवळच ही घटना घडल्यामुळे खळबळ उडाली आहे. घटनेची माहिती मिळताच अवधुतवाडी पोलिसांनी घटनास्थळी धाव घेत पंचनामा केला. या प्रकरणी पोलिसांनी तपास सुरू केला आहे. जुन्या वादातून निशांत खडसे यांची हत्या करण्यात आल्याचा प्राथमिक अंदाज पोलिसांनी व्यक्त केला आहे. या प्रकरणाचा पुढील तपास पोलिस करत आहेत.
