प्रवीण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन वर्धा:- सेवाग्राम पोलीस स्टेशनच्या हद्दीत येणाऱ्या करंजी काजी गावात मध्ये देशी बनावटीचे पिस्टलने दहशत माजवणाऱ्या आरोपीस सेवाग्राम पोलिसांनी बेड्या ठोकल्या आहे. त्यामुळे गावातील नागरिकांनी मोकळा श्वास सोडला आहे.
आरोपी हर्शल नेहारे, रा. करंजी काजी याच्या ताब्यात पिस्तूल असल्याची माहिती पोलिसांना प्राप्त झाली होती व नमूद आरोपी याने गावात पिस्टल ने गोळी घालून मारण्याची धमकी दिली होती. सेवाग्राम पोलीस स्टेशन येथील पीएसआय कदम व ना.पो.शि. संजय लाडे, व चालक म.पो.अंमलदार कोमल शासकीय वाहनाने करंजी काजी येथे गेले असता, हर्शल नेहारे हा घरी हजर मिळुन आला व तो पोलीसाना पाहुन हातपाय जमिनीवर आपटुन पोलीसांना जोरजोराने शिवीगाळ करु लागला. पो.उप.नि. शिवराज कदम यांनी त्याला शांत राहण्याची समज दिली असता, त्याने पो.उप.नि.शिवराज कदम यांना अश्लील भाषेत शिवीगाळ केली व पो.उप.नि. कदम यांना ढकल- ढुकल करुन पळुन जाण्याचा प्रयत्न केला.
यावेळी पोलिसांनी त्याचा पाठलाग करुन त्याला पकडले असता, त्याने पो.उप.नि. शिवराज कदम यांच्या वर हमला करून लाथा बुक्क्या नी मारहाण केली त्यांना जखमी केले. तसेच अश्लील भाषेत शिवीगाळ केली. हर्शल नेहारे यास सोबत असलेल्या पो.स्टाफच्या मदतीने त्यास ताब्यात घेवुन पंचासमक्ष झडती घेतली असता, त्याच्या कमरेमध्ये एक देशी बनावटीचे अग्निशस्त्र मिळुन आले. व पंचासमक्ष जप्ती पंचनाम्याप्रमाणे जप्त करुन आरोपीसह ताब्यात घेतले आहे.
पोलीस स्टेशनला परत येवुन नमुद आरोपी हर्शल घनश्याम नेहारे वय 21 वर्ष, रा. करंजी काजी, ता. जि. वर्धा याने पो.उप.नि. शिवराज कदम हे पो. स्टाफ सह शासकीय कर्तव्य पार पाडत असताना, त्यांना ढकलढुकल करुन लाथा बुक्यानी मारहाण करून जखमी केले. तसेच आरोपीचे अंगझडतीत अग्निशस्त्र मिळुन आल्याने पो.उप.नि. शिवराज कदम यांच्या लेखी तक्रारीवरुन अप. क्र. ४५७/ २०२४ कलम ३५३, ३३२, २९४, ५०६ भा.दं.वि. सहकलम ३, २५ भा.ह.का. अन्वये गुन्हा नोंद करण्यात आला असुन गुन्हयाचा तपास पो.उप.नि. वसंत शुक्ला हे करीत आहेत.
