महाराष्ट्र प्रदेश राष्ट्रवादी काँग्रेस पक्षाचे सरचिटणीस अतुल वांदिले यांच्या हस्ते झाला पक्ष प्रवेश …
प्रवीण जगताप, प्रतिनिधी
हिंगणघाट:- राष्ट्रवादी काँग्रेस पार्टीचे सक्रीय सदस्य तथा सामाजिक कार्यकर्ते माजी नगरसेवक प्रलंय तेलंग यांच्या वाढदिवसाचे औचित्य साधून तसेच अतुल वांदिले प्रदेश सरचिटणीस यांच्या मार्गदर्शनाखाली व प्रलंय तेलंग यांच्या नेतृत्वात वाघ सावली येथील युवकांचा राष्ट्रवादी काँग्रेस पार्टीत पक्ष प्रवेश झाला.
सदर पक्षप्रवेश कार्यक्रम ‘अतुल वांदिले’ यांच्या स्थानिक जनसंपर्क कार्यालयात पार पडला. वाघ सावली येथील किरण ठक, मंगेश धोटे, कुणाल पोले, अनिकेत मन्ने, रितेश झाडे, आदित्य भोयर, यश तेजने यांनी पक्ष प्रवेश केला.
कार्यक्रमाचेवेळी अतुल वांदिले यांनी सर्व नवयुवकाचे स्वागत केले. त्यांना रा.काँ.पक्षाचा दुपट्टा देऊन सन्मानित करण्यात आले. याप्रसंगी राष्ट्रवादी काँग्रेस पक्षाचे सुनील भुते, सुभाषजी चौधरी, गजानन थाबळघुसके, नितीन भुते, राजू मुडे, शाहरुख बक्ष आदी मान्यवर उपस्थित होते.
