✒️औरंगाबाद जिल्हा प्रतिनिधी
औरंगाबाद:- जिल्ह्यातून एक संतापजनक बातमी समोर आली आहे. पैठण तालुक्यातील पाचोड पोलीस ठाणे हद्दीत एका किराणा दुकान चालक नराधमाने पाच वर्षीय चिमुकल्या मुलीवर बलात्कार केला आहे. या घटनेमुळे संपूर्ण राज्य हादळले आहे.
5 वर्षाच्या पिढीत मुलीच्या आईने याप्रकरणी पाचोड पोलिसात दिलेल्या तक्रारीवरून पोलिसानी गुन्हा दाखल केला आहे. तर मुलीला उपचारासाठी रुग्णालयात दाखल करण्यात आले आहे. बळीराम सीताराम चव्हाण असे या नराधम आरोपीचे नाव आहे.
काय आहे प्रकरण…
प्राप्त माहितीनुसार, पाचोड पोलीस स्टेशनच्या हद्दीत एका गावात बळीराम चव्हाण हा किराणा दुकान चालवतो. पिडीत मुलगी ही बळीराम चौहान यांच्या किराणा दुकानात बिस्किट आणि पाव आणण्यासाठी गेली होती. यावेळी आरोपी बळीराम याने मुलीला मी तुला खाण्यासाठी चॉकलेट देतो असा म्हणाला. तर चॉकलेटचे आमिष दाखवून तुझे सामान घेण्यासाठी आतमध्ये ये म्हणत मुलीला दुकानात बोलावून घेतले. त्यानंतर मुलीवर अत्याचार केला. या घटनेने घाबरून मुलगी आपल्या घरी गेली.
आईला धमकी…
पिडीत मुलीवर अत्याचार केल्यावर घाबरलेल्या त्या मुलीने घडलेला प्रकार आईला सांगितला. मात्र हा प्रकार कुणालाही सांगितल्यास किंवा पोलिसात गेल्यास तुम्हाला जगू देणार नाही अशी जीवे मारण्याची धमकी आरोपीने पिडीताच्या आईला दिली होती. त्यामुळे घाबरलेल्या मुलीच्या आईने याबाबत कुठेही वाच्यता केली नाही. मात्र अखेर हिम्मत करत त्यांनी आज पाचोड पोलीस ठाणे गाठत नराधमाविरोधात फिर्याद दिली असून, गुन्हा दाखल करण्यात आला आहे.
पोस्को कायद्या अंतर्गत गुन्हा दाखल…
किराणा दुकानात बिस्कीट आणि पाव घेण्यासाठी आलेल्या पाच वर्षीय मुलीवर अत्याचार करणाऱ्या बळीराम चव्हाण या नराधमाच्या विरोधात पिडीत मुलीच्या आईच्या फिर्यादीनुसार पाचोड पोलिसात गुन्हा दाखल करण्यात आला आहे. पोलिसांनी याप्रकरणी कलम 376 (2) (1) (F), 376 (3), 376 (अ) (ब), 506 भा.द.वि. सहकलम4,6 बाललैंगिक अत्याचार कायद्यानुसार गुन्हा दाखल केला आहे. तर नराधमाला पोलिसांनी अटक केली असून, त्याला न्यायालयात हजर केले जाणार आहे
