वंचित बहुजन आघाडीचे अध्यक्ष ॲड. प्रकाश आंबेडकरांनी रुग्णालयात घेतली भेट.
✒️राज शिर्के मुंबई महानगर प्रतिनिधी
महाराष्ट्र संदेश न्युज ! ऑनलाईन मुंबई:- राज्यात परभणी येथील संविधान शिल्पाची विटंबना आणि एल एल बी कायद्याचे शिक्षण घेत असलेल्या सूर्ववांशी या तरुणाची पोलिस कोठडीत मृत्यू प्रकरण शांत न होताच राज्यात परत एक खळबळजनक घटना ठाणे येथील दिवा येथून समोर आली आहे.
वंचित बहुजन आघाडीचे बौद्ध समाजातील कार्यकर्ते आणि कल्याण ग्रामीणचे उमेदवार विकास इंगळे यांना दिवा शहरात शिंदे गटातील एका गुंडाकडून मारहाण करून जिवे मारण्याचा प्रयत्न झाला. त्यांना रुग्णालयात दाखल करण्यात आले आहे. वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी इंगळे याची रुग्णालयात भेट घेऊन विचारपूस केली.
राज्यात नुसत्याच झालेल्या विधानसभा निवडणुकीत अनेक मतदारांनी EVM वर संशय व्यक्त केला. त्यामुळे वंचित बहुजन आघाडीच्या वतीने EVM विरोधी स्वाक्षरी मोहीम राबविली होती. यामध्ये नागरिकांचा मोठा प्रतिसाद मिळाला होता. दोन तासा मध्ये दोन हजाराहून अधिक लोकांनी स्वाक्षरी केली होती याचा राग मनात ठेऊन शिंदे गटातील एका गुंडाने हे कृत्य केल्याची माहिती मिळत आहे. इंगळे यांना प्रथम मुंब्रा कॉलनी मधील बालाजी हास्पिटल मध्ये नेले असता त्यांना तिकडे ऍडमिट करता येणार नाही असे डॉक्टरनी सांगितल्या नंतर, त्यांना मेट्रो हॉस्पिटल मध्ये दाखल करण्यात आले. नंतर कळवा येथील हॉस्पिटल मध्ये पाठवण्यात आले. त्यानंतर त्यांना पुन्हा KEM हॉस्पिटल मध्ये पाठविण्यात आले आहॆ.
