अनिल अडकिने नागपूर जिल्हा प्रतिनिधी
महाराष्ट्र संदेश न्युज ! ऑनलाईन सावनेर १५ जाने:- प्रादेशिक परिवहन विभाग ग्रामीण नागपूर तर्फे सावनेर पब्लिक स्कूल सावनेर येथे रस्ता सुरक्षा अभियान अंतर्गत हेल्मेट जनजागृती अभियान शिबिर घेण्यात आले. याप्रसंगी शंकर कराळे मोटार वाहक निरीक्षक, कबीर हिवराळे सहाय्यक मोटर वाहक निरीक्षक प्रादेशिक परिवहन विभाग ग्रामीण नागपूर, ममता अग्रवाल प्राचार्या सावनेर पब्लिक स्कूल सीबीएसई बोर्ड, वैशाली देशपांडे प्राचार्या स्टेट बोर्ड, सर्व शालेय बस कर्मचारी, विद्यार्थी ,शिक्षक तसेच शिक्षकेत्तर कर्मचारी उपस्थित होते.
या शिबिरामध्ये प्रादेशिक परिवहन विभाग नागपूर ग्रामीण तर्फे उपस्थितांना रस्ता सुरक्षा अभियान अंतर्गत हेल्मेट जनजागृती बद्दल मार्गदर्शन केले. व सर्वांनी रस्ता सुरक्षा नियमाचे पालन करावयास सांगितले.
