पल्लवी मेश्राम उपसंपादक नागपूर
महाराष्ट्र संदेश न्युज ! ऑनलाईन नागपुर:- शहरातील हुडकेश्वर पोलीस स्टेशनच्या हद्दीतून एक खळबळजनक घटना समोर आली आहे. येथे एका अल्पवयीन मुलाने आपल्या आईच्या मदतीने आपल्याच वडिलाची गळा आवळून हत्या केल्याची घटना सोमवारी इंगोले नगरात घडली. पोलिसांनी गुन्हा दाखल करुन अल्पवयीन मुलासह त्याच्या आईला ताब्यात घेतले आहे. मुकेश शंकरराव शेंडे वय 57 वर्ष रा. इंगोले नगर हुडकेश्वर असे हत्या करण्यात आलेल्या व्यक्तीचे नाव आहे.
प्राप्त माहितीनुसार, मृतक मुकेश शेंडे हा एका हार्डवेअरच्या दुकानात विक्री प्रतिनिधी म्हणून काम करीत होता. त्याला पत्नी निर्मला व दोन मुले आहेत. 19 वर्षीय मोठा मुलगा हा पुण्यात एका कंपनीत नोकरी करतो. तर लहान मुलगा हा 10 व्या वर्गात शिक्षण घेत आहे. त्याची पत्नी निर्मला ही मिळेल ते काम करून कुटुंबाच्या उदरनिर्वाहाला हातभार लावत होती. घरची परिस्थिती बेताची असल्यामुळे मोठ्या मुलाला शिक्षण सोडून पुण्यात कामासाठी जावे लागले. होते.
मृतक मुकेश याला दारुचे व्यसन होते. आपले व्यसन करण्यासाठी त्याला पैसे पुरत नसल्यामुळे तो घरातील वस्तू विकून दारु पीत होता. नेहमीप्रमाणे तो दारू पिऊन आईशी वाद घालत होता. मुकेशने आईला लाथा बुक्कांनी मारहाण केली सुरू हा प्रकार पाहून लहान मुलाचा राग अनावर झाला. त्याने वडिलाला जमिनीवर पाडून घरातील टॉवेल त्याचा गळा आवळला. मुकेशच्या मृत्यूप्रकरणी पोलिसांनी आई व मुलाला ताब्यात घेतले आहे.
मृतदेह पोत्यात घालून नदीत फेकण्याची तयारी: मुलाने वडिलाची हत्या केल्याचे आई घाबरून गेली. मात्र परंतु रागाच्या भरात पोटच्या पोराने हे कृत्य केल्यामुळे आईने मृतदेहाची विल्हेवाट लावण्याचा निर्णय घेतला. मृतदेह नदीत फेकण्याचे नियोजनही केले. ज्याठिकाणी हत्या करण्यात आली तेथील रक्ताचे डाग फिनाईलने पुसून टाकले. पण मृतदेह उचलून कसा नेणार? हा प्रश्न पडल्याने लहान मुलाने त्याच्या एका विश्वासातील मित्राची मदत घेण्याचे ठरविले. त्याने त्याला फोन केला आणि घडलेली घटना सांगितली. त्याला मृतदेहाची विल्हेवाट लावण्यासाठी मदत मागितली. मात्र, मित्राने त्याची भेट घेतली आणि समजूत घातली. पोलिसांत जावून सर्व घटना सांगण्यास सांगितले. अखेर दोघेही हुडकेश्वर पोलीस स्टेशन मध्ये जाऊन त्यांनी वरिष्ठ पोलीस निरीक्षक ज्ञानेश्वर भेदोडकर यांची भेट घेऊन सविस्तर घटना सांगितली. त्यांनी घटनास्थळ गाठून मायलेकांना ताब्यात घेतले.
