मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- हेल्पिंग अदर्स फाउंडेशन हिंगणघाट आणि वर्धा विभाग यांचे संयुक्त विद्यमाने मा साहेब जिजाऊ स्वयं संरक्षण अभियान अंतर्गत निशुल्क प्रशिक्षण कार्यक्रमाचा उद्घाटन सोहळा दिनांक 20 जानेवारी रोज सोमवारला 4.00 वाजता उपजिल्हा सामान्य रुग्णालय हिंगणघाट येथील प्रांगणात कार्यक्रमाचे अध्यक्ष डॉ.प्रणिता मिसाळ वैद्यकीय अधीक्षक यांच्या प्रमुख उपस्थितीत घेण्यात आला. या कार्यक्रमाचे उद्घाटक शिवसेनेचे माजी नगरसेवक मनीष देवडे हे होते. यावेळी डॉ. उमेश तुळसकर, डॉ.विशाल रुईकर, पोलीस हेड कॉन्स्टेबल मालाताई मै॑द, तसेच योगेश वानखेडे या कार्यक्रमाला प्रामुख्याने उपस्थित होते.
या कार्यक्रमाची सुरुवात सरस्वती मातेचे पूजन व दीप प्रज्वलन करून करण्यात आली. यावेळी हेल्पिंग अदर्स फाउंडेशन हिंगणघाट तर्फे प्रमुख पाहुण्यांचे फुल व झाडाचे रोपटे देऊन स्वागत करण्यात आले. तसेच प्रास्ताविकपर हेल्पिंग अदर्स फाउंडेशनचे रोहन बनसोडे यांनी केले. त्यांनी हेल्पिंग फाउंडेशनचे प्रमुख उद्देश व कार्य याबद्दल माहिती दिली. फाउंडेशन तर्फे वर्धा येथील शहरात सर्व महापुरुषांचे पुतळे आठवड्यातून एकदा साफसफाई करून स्वच्छता करण्यात येते. तसेच महाराष्ट्राचा आराध्य दैवत राजे छत्रपती शिवराय महाराजांच्या पुतळा आठवड्यातून एकदा साफसफाई करून त्याची पूजा अर्चना सुद्धा नियमित करण्यात येते.
या कार्यक्रमाचे उद्घाटन शिवसेनेचे मनीष देवडे यांनी सदर कार्यक्रमात होणाऱ्या कार्याबद्दल फाउंडेशनच्या कार्यकर्त्यांचे अभिनंदन व मनापासून स्वागत केले. संस्कारक्षम पिढी घडवणे आजच्या काळाची गरज आहे. या ठिकाणी त्यांनी असा विषय आवर्जून नमूद केला. तसेच आई-वडिलांनी आपल्या पाल्यांना चांगले संस्कार द्यावे जेणेकरून नवीन पिढी चांगल्या मार्गाने जाईल व नवा देश उभा राहील. तसेच या ठिकाणी डॉ. उमेश तुळसकर यांनी सुद्धा आपले मनोगत व्यक्त केले. अध्यक्षीय भाषण डॉ.प्रणिता मिसाळ यांनी केले. या कार्यक्रमाचे सूत्रसंचालन प्राप्ती कामडी यांनी केले. तर आभार प्रदर्शन साक्षी सुरसे यांनी केले.
हा कार्यक्रम यशस्वीरित्या पार पाडण्याकरिता फाउंडेशनचे सर्वश्री भूषण मोरे, रितिक मोघे, सुरेंद्र नक्षिणे, उन्नती कामडी, रोशन सुरशे, वर्धा विभाग मोहीमचे प्रतीक पवार, गुडिया मस्के, रुद्राक्ष राठोड, योगेश शेंडे व अनुष्का मोरवडे यांनी कार्य केले.
