रविंद्र भदर्गे, जालना जिल्हा प्रतिनिधी
महाराष्ट्र संदेश न्युज ! ऑनलाईन जालना:- 2 फेब्रुवारी रोजी सकाळी 11.00 परतूर पोलिसांना गोपनीय माहिती मिळाली की, माजलगाव येथून नागपूर येथे राशनचा तांदूळ काळा बाजारात जात असल्याची माहिती पोलिस निरीक्षक एम. टी. सुरवसे यांना मिळाली त्यावरून वाटूर फाटा येथे नाकाबंदी करून ट्रक क्रमांक MH 23 AU 9393 पकडून पाहणी केली असता त्या मध्ये तांदूळ मिळून आल्याने नायब तहसीलदार पुरवठा विभाग परतूर दादमिया शेख परतूर यांना समक्ष घटनास्थळी पाहणी करून अहवाल सादर केला आहे.
यावेळी सदर ट्रक मध्ये 30 टन राशनचे तांदूळ किंमत 10 लाख 50 हजार रुपये आणि ट्रक किंमत 30 लाख रुपये असा एकूण 40 लाख 50 हजार रुपयांचा मुद्देमाल मिळून आल्याने गुन्हा नोंद करून कारवाई करण्यात आली आहे, यावेळी चालक नामे १) राजेंद्र बळीराम पोटेकर रा. सिपगाव ता. गेवराई आणि क्लिनर नामे २) अमोल रावसाहेब उबाळे रा. वरखेड ता. शेवगाव तसेच ट्रक मालक आणि राशन तांदूळ चे मालक असे ४ आरोपी विरुद्ध गुन्हा नोंद करून कारवाई केली आहे. सदरचा मुद्देमाल हा परतूर येथील शासकीय गोडाऊन मध्ये जमा केला आहे.
सदरची कारवाई ही अजय कुमार बंसल पोलिस अधीक्षक जालना, आयुष नोपाणी अप्पर पोलिस अधीक्षक जालना, दादहरी चौरे उप विभागीय पोलिस अधिकारी परतूर यांच्या मार्गदर्शनाखाली एम.टी.सुरवसे पोलिस निरीक्षक पोलिस स्टेशन परतूर, दादामिया शेख नायब तहसिलदार परतूर, विठ्ठल केंद्रे पो.उप.निरिक्षक, राऊते पो. उप. निरीक्षक, सफौ/ नंदू खंदारे, पोह/ किरण चव्हाण, पोका/ नरेंद्र चव्हाण, भगवान खालापूरे ऑपरेटर, चालक पोह/ धोत्रे यांनी केली आहे.
