अनिल कडू हिंगणघाट विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- संताजी जनसेवा मंडळ हिंगणघाटचे वतीने रविवार दिनांक ९ फेब्रुवारीला सकाळी १० वाजता कलोडे सभागृहात सर्व शाखीय वधू – वर व पालक परिचय मेळाव्याचे आयोजन करण्यात आले आहे. कार्यक्रमाचे अध्यक्षस्थानी माजी खासदार रामदास तडस, अध्यक्ष, महाराष्ट्र प्रांतिक तैलिक महासभा हे राहणार असून मेळाव्याचे उद्घाटन डॉ. भूषण कर्डिले, महासचिव, महाराष्ट्र प्रांतिक तैलिक महासभा यांचे हस्ते होणार आहे.
याप्रसंगी प्रमुख अतिथी म्हणून आमदार राजेश बकाने, माजी खासदार सुरेश वाघमारे, माजी विधान परिषद सदस्य डॉ. रामदास आंबटकर, माजी आमदार राजू तिमांडे, इंजी.धर्मराज रेवतकर, कार्यकारी अध्यक्ष, अ.भा. तैलिक महासभा महाराष्ट्र गोवा राज्य, अतुल वांदिले युवा कार्याध्यक्ष महाराष्ट्र तैलिक युवा महासभा यांची प्रमुख उपस्थिती राहणार आहे.
यावेळी देवळी- पुलगाव विधानसभा क्षेत्राचे नवनिर्वाचित आमदार राजेश बकाने यांचा सत्कार करण्यात येणार आहे. याप्रसंगी मान्यवरांच्या हस्ते वधू – वर परिचय पुस्तिका ‘गुंफन ‘ चे विमोचन करण्यात येईल. तसेच व्यासपीठावरून उपवर – वधू यांना स्वतःचा परिचय देण्याची सोय करण्यात आली आहे. सदर मेळाव्यात ४०० पेक्षा जास्त उपवर – वधूंची नोंदणी करण्यात आली आहे. मेळाव्याला मोठ्या संख्येने समाज बांधवांनी उपस्थित राहावे, असे आयोजकांच्या वतीने आवाहन करण्यात आले आहे.
