अनिल कडू हिंगणघाट विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- तालुक्यातील वडनेर पोलीस ठाण्याच्या हद्दीतून एक खळबळजनक घटना समोर आली आहे. येथील फुकटा शिवारात मेंढपाळ महिलीने पतीने मेंढ्या आणायला सांगितले असता ती ऐकत नसल्याचे पाहून त्याने महिलेच्या गालावर एक थापड मारली असता या रागेतून महिलेने आपल्या दिड वर्षीय चिमुकल्या मुलीसह विहिरीत उडी घेऊन आत्महत्या केल्याने संपूर्ण गावात शोककळा पसरली आहे. शशिकला पिंटू घुले वय 24 वर्ष रा. पर्सोडी तालुका कळंब जिल्हा यवतमाळ तर मुलीचे नाव कविता पिंटू घुले वय दिड वर्ष असे असे आत्महत्या केलेल्या महिलेचे नाव आहे.
मिळालेल्या माहितीनुसार, पिंटू नथुजी घुले वय 25 वर्ष राहणार परसोडी तालुका कळंब जिल्हा यवतमाळ यांचा मेंढपाळाचा व्यवसाय असून ते पत्नी व मुलगी यांच्यासह फुकटा शिवारात मेंढ्या चारायला आले होते. घटनेच्या दिवशी त्यांनी मेंढ्या चारून आणल्या नंतर त्यांना जाळी मध्ये कोंडणे होते, परंतु काही मेंढ्या शेजारी शेत असलेल्या पिकाकडे गेल्याने मृतक यांचे पती यांनी मृतक शशिकला पिंटू घुले यांना त्या घेऊन यायला सांगितले परंतु मृतक जात नसल्याने पती यांनी गालावर एक थापड मारून जायला सांगितले, त्यामुळे मृतक महिला ही तिचे दीड वर्षांच्या मुलीला घेऊन मेंढ्या आणायला गेली आणि मुलीसह तेथील वरघणे या शेतकरी यांचे शेतातील विहिरीत मुलीसह उडी मारून आत्महत्या केली.
आपल्या पत्नीने आपल्या मुलीला घेऊन विहिरीत आत्महत्या केल्याची माहिती पिंटू घुले याना माहीत होताच त्यांनी वडनेर पोलीस स्टेशन येते माहिती दिली. घटनेची माहिती मिळताच उपविभाग पोलीस अधिकारी रोशन पंडित, ठाणेदार लोकरे, पोलीस उपनिरीक्षक हेकड यांनी घटनास्थळी दाखल होऊन आई आणि मुलीचा मृत्युडेह विहिरीतून बाहेर काढला आणि शवविच्छेदनासाठी रुग्णालयात पाठवला. पोलिसांनी यासंबंधी गुन्हा नोंद केला असून पुढील तपास पोलीस करीत आहेत.
