पंकेश जाधव पुणे जिल्हा प्रतिनिधी
कोथरुड पोलीस स्टेशन पुणे शहर
कोथरुड पोलीस ठाणे हद्दीमध्ये राहणारा अट्टल गुन्हेगार नामे ऋषीकेश राजेंद्र ठाकुर वय २३ वर्षे रा. फ्लॅट नंबर ३०८ बी- बिल्डींग, तुकाई रेसिडेन्सी, माताळवाडी फाटा, भुगांव, पुणे हा अभिलेखावरील सराईत गुन्हेगार आहे. त्याने त्याचे साथीदारांसह कोथरुड व सुतारदरा भागात कोयते चाकू या सारख्या जीवघेण्या हत्यारांसह खुनाचा प्रयत्न, दरोडयाचा प्रयत्न घातक हत्याराने गंभीर दुखापत करणे, दंगा, बेकायदा हत्यार बाळगणे यासारखे गंभीर स्वरूपाचे गुन्हे केले आहेत. मागील ०५ वर्षामध्ये त्याचेविरुध्द ०४ गुन्हे दाखल आहेत. त्याच्या गुन्हेगारी कृत्यांमुळे सदर परिसरातील सार्वजनिक सुव्यवस्थेस बाधा निर्माण झालेली होती. तसेच त्याच्यापासून जीविताचे व मालमत्तेचे नुकसान होईल या भितीमुळे नागरिक उघडपणे तक्रार करणेस धजावत नव्हते.
प्राप्त प्रस्ताव व सह कागदपत्रांची पडताळणी करून श्री. अमिताभ गुप्ता, पोलीस आयुक्त, पुणे शहर यांनी नमूद इसमाचे विरुद्ध एमपीडीए कायदयान्वये मुंबई मध्यवर्ती कारागृह, मुंबई येथे ०१ वर्षाकरीता स्थानबध्दतेचे आदेश पारीत केले आहेत. नगूद इसमास स्थानबध्द करण्यामध्ये श्री महेंद्र जगताप वरिष्ठ पोलीस निरीक्षक कोथरुड पोलीस ठाणे व श्रीमती वैशाली चांदगुडे, वरिष्ठ पोलीस निरीक्षक पी.सी. बी. गुन्हे शाखा, पुणे शहर यांनी कामगिरी पार पाडली.
मा. पोलीस आयुक्त, पुणे शहर यांनी दहशत निर्माण करणान्या व सक्रिय अट्टल गुन्हेगारांवर कडक प्रतिबंधक कारवाई करण्याचे धोरण अवलंबिले आहे. आजतागायत ७८ गुन्हेगारांना एमपीडीए कायदयान्वये स्थानबध्द केले आहे. यापुढेही सराईत व अट्टल गुन्हेगारांचे कृत्यांना आळा घालण्यासाठी प्रभावी प्रतिबंधक कारवाई करण्यात येणार आहे.
