अनिल कडू हिंगणघाट विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- विदर्भ अर्बन बँक्स को ओपरेटीव्ह असोशीएशन नागपूर यांनी आयोजित केलेल्या सहकारी बँकेच्या अध्यक्ष आणि संचालकासाठी १० आणि ११ फेब्रुवारी २०२५ ला संत गजानन नगरी शेगाव येथे चर्चा सत्राचे आयोजन केले होते. या कार्यक्रमात वना बँकेला प्रथम पुरस्कार सहकार मंत्री पंकज भोयर यांचे हस्ते प्रदान करण्यात आला.
वना नागरिक सहकारी बँकेची आर्थिक परिस्थिती पुढील प्रमाणे होती. २०२३-२४ या आर्थिक वर्षात भाग भांडवल रु ५.८८ कोटी, एकूण ठेवी रु.२४८.१६ कोटी, कर्ज २.१७१.४८ कोटी, गुंतवणूक रु.९१.०७ कोटी आणि नफा रु.५.०२ कोटी इतका होता. भाग धारकांना १० टक्के लाभांश वाटप करण्यात आला, बँकेचा नेट एन पी ए हा शून्य आहे. तसेच वैधानिक अंकेक्षण मध्ये सतत अ वर्ग प्राप्त होत आहे.
वर्ष २०२३-२०२४ करिता १०१ कोटी ते १००० कोटी ठेवी असलेल्या प्रवर्गा मधून वना बँकेला प्रथम पुरस्कार प्राप्त झाला. या पुरस्कारचे वितरण सहकार मंत्री नामदार पंकज भोयर तथा विदर्भ अर्बन बँक्स को-ऑपरेटीव्ह असोशीयेसन नागपूरचे अध्यक्ष रवींद्र दुरुगकर, उपाध्यक्ष सतीश गुप्त, सचिव तुषारकांती डबले आणि सहसचिव सुभाष देवाळकर याचे हस्ते प्रदान करण्यात आले.
यावेळी भाषणातून त्यांनी विशेष असे नमूद केले कि, वर्धा जिल्ह्यातील काही सहकारी संस्था बंद पडल्या परंतु हिंगणघाट कृषी उत्पन्न बाजार समितीचे कार्य अनुकरण करण्या सारखे आहे, हि संस्था ऍड सुधीर कोठारी यांनी नावारूपास आणल्या बद्दल त्यांचे कौतुक केले आणि सहकार क्षेत्रात अँड सुधीर कोठारी यांच्या सहभागाबद्दल आदर्श कृषी उत्पन्न बाजार समिती तथा वना नागरिक सहकारी बँकेचे अध्यक्ष म्हणून सुद्धा खूप छान प्रगती करून बँकेला प्रथम पुरस्कार मिळाला त्यबद्दल त्यांचे मनःपूर्वक अभिनंदन केले.
याप्रसंगी बँकेचे अँड. सुधीर कोठारी, उपाध्यक्ष, सुरेशराव सायंकार, संचालक डॉ. निर्मेश कोठारी, डॉ. वरून लोढा, हिमंतराव चतुर, संचालक ज्ञानेश्वर लोणारे, सिद्धार्थ दारुंडे, आणि हरीश वडतकर उपाध्यक्ष कृषी उत्पन्न बाजार समिती हिंगणघाट, बँकेचे मुख्य कार्यकारी अधिकारी वसंत खोलगडे, कमलेश कासवा आणि हेमंत मेघरे उपस्थित होते. बँकेचे, संचालक सर्वश्री ओमप्रकाश डालिया, डॉ. दिलीप जोबनपुत्रा, विपीन पटेल, अक्षय ओस्तवाल, सुरेश नैनानी, अविनाश गांधी, मनीष चीतलांगे, सौ. विद्याताई भोयर, सौ. पूनम बादले, पारसबाबू मुनोत, गोपाल मोहता आणि बँकेचे हितचिंतक, माजी आमदार राजूभाऊ तिमांडे, निर्मल कोचर, पंकज कोचर, आफताब खान, पिंटू बादले, तेजस तडस, उत्तमराव भोयर, मधुसूदन हरणे, मधुकरराव डम्भारे, या सर्वांनी बँकेच्या यशाबद्दल हार्दिक अभिनंदन केले आणि पुढील वाटचालीसाठी शुभेच्छा प्रदान केल्या.
