आसमा सय्यद पुणे जिल्हा प्रतिनिधी
महाराष्ट्र संदेश न्युज ! ऑनलाईन पुणे:- शहरात क्राईम रेट मोठ्या प्रमाणात वाढत आहे. त्यात आता मोक्का गुन्ह्यातिल एका आरोपी कडून देशी पिस्टल व जिवंत काडतुस मिळून आल्याने खळबळ उडाली आहे. पोलिसांनी या आरोपीला बेड्या ठोकल्या असून त्याच्या कडून देशी बनावटीचे पिस्टल व जिवंत काडतुस जप्त केले आहे.अनिकेत गुलाब यादव वय 22, रा. सोपानगर कदमवाक वस्ती लोणी काळभोर असे या गुन्हेगाराचे नाव आहे.
शहरात राबविण्यात आलेल्या कोम्बिंग ऑपरेशनमध्ये गुन्हे शाखेच्या युनिट 6 च्या पथकाने मोक्का गुन्ह्यामधील जामीनावर सुटलेल्या गुन्हेगाराकडून लोणी काळभोर परिसरात गुन्हेगार तपासणी करत होते. त्यावेळी मिळालेल्या माहितीवरुन पोलिसांनी गुन्हेगार अनिकेत गुलाब यादव याला ताब्यात घेतले. त्याची झडती घेतली असता त्याच्याकडे एक देशी बनावटीचे पिस्टल व एक जिवंत काडतुस मिळून आले. त्याच्याविरुद्ध लोणी काळभोर पोलीस स्टेशन मध्ये आर्म अॅक्टखाली गुन्हा दाखल केला आहे.
ही कामगिरी अपर पोलीस आयुक्त शैलेश बलकवडे, पोलीस उपायुक्त निखिल पिंगळे, सहायक पोलीस आयुक्त राजेंद्र मुळीक यांच्या मार्गदर्शनाखाली पोलीस निरीक्षक वाहिद पठाण, सहायक पोलीस निरीक्षक मदन कांबळे, पोलीस उपनिरीक्षक रामकृष्ण दळवी, पोलीस अंमलदार बाळासाहेब सकटे, रमेश मेमाणे, नितीन मुंढे, कानिफनाथ कारखेले, ऋषिकेश ताकवणे, सचिन पवार, ऋषिकेश व्यवहारे, शेखर काटे, गणेश डोंगरे, समीर पिलाने, नितीन धाडगे, बाळासाहेब तनपुरे, सुहास तांबेकर, प्रतिक्षा पानसरे, किर्ती मांदळे यांनी केली आहे.
