महाराष्ट्र संदेश न्युज ! ऑनलाईन छत्रपती संभाजीनगर:- येथून संपूर्ण महाराष्ट्राला हादरविणारी घटना समोर आली आहे. त्यामुळे सर्वत्र संताप व्यक्त करण्यात येत आहे. नातलगातील एका 36 वर्षांच्या महिलेकडे 19 वर्षीय नराधम तरुणाने शरीरसुखाची मागणी केली. या महिलेने यांना नकार देताच संतापाच्या भरात तिच्या अंगावर कटरने सपासप वार करत तिचे संपूर्ण अंग जखमी केले. त्यात या महिलेला तब्बल 280 टाके घालावे लागले आहेत. सव्वादोन फुटांचा एक वार तर मानेपासून मांडीच्या खालपर्यंत आहे. मरणयातनांपेक्षा भयंकर वेदना सहन करीत ही महिला एका खासगी रुग्णालयात मृत्यूशी झुंज देत आहे. अभिषेक तात्याराव नवपुते वय 19 वर्षे रा. घारदोन असे या आरोपीचं नाव आहे. या घटनेनंतर संपूर्ण गावात काही घडलेच नाही अशा आविर्भावात नराधम आरोपी फिरत होता. पोलिसांनी त्याला बेड्या ठोकल्या नंतर त्याच्या चेहऱ्यावर जराही पश्चात्ताप नव्हता. छत्रपती संभाजी नगरमध्ये घडलेल्या या घटनेने संताप व्यक्त केला जात आहे.
अभिषेक तात्याराव नवपुते या 19 वर्षीय नराधमाने नात्यातील 36 वर्षीय विवाहित महिलेवर वाईट नजर ठेवून बलात्काराचा प्रयत्न केल्यानंतर पिढीत महिलेने आरडाओरडा सुरू केला. त्यानंतर नराधम विकृताने पिढीत विवाहितेवर सपासप वार करत तिचा चेहरा विद्रूप करत तिचा जीव घेण्याचा प्रयत्न केला. रविवारी सायंकाळी ही धक्कादायक घटना घडली आहे. चिकलठाणा पोलिसांनी त्याला मंगळवारी बेड्या ठोकल्या आहे.
डॉक्टरला गोधडीवानी अंग शिवावं लागलं या नराधमाने पिडित महिलेवर इतके वार केले आहेत की, डॉक्टरला गोधडीवानी महिलेचे अंग शिवावं लागलं. हे टाके शिवण्यासाठी नुसता दोराच 22 हजार रुपयांचा लागला आहे. एकही अवयव असा नाहीये की जिथे फाडलेलं नाहीये. त्या घावांमुळे महिलेच्या सगळ्या अंगातच आगडोंब उठला आहे. या महिलेला यातना सहन होत नाही, आणि रडताही येत नाही. कारण, डोळ्यातून आलेलं पाणी टाके शिवलेल्या जखमेला लागलं तर आणखीच आग मारते. आता मी करू तरी काय ? असं ती पिडित महिला म्हणते.
अंगावरती 280 टाके, धाग्यांचा खर्च 22 हजार नातलगातील 36 वर्षांच्या महिलेकडे शरीरसुखाची मागणी 19 वर्षांच्या तरुणाने केली. तिने नकार दिला त्याच्या रागातून नराधमाने तिच्या शरीरावर कटरने सपासप वार केले. त्यामुळे तिच्या अंगावर तब्बल 280 टाके घालावे लागलेत. तिच्या मानेपासून ते कमरेपर्यंत सव्वादोन फुटांचा एक वार आहे. भयंकर वेदना सहन करत ही महिला एका खासगी रुग्णालयात मृत्यूशी झुंज देत आहे. घरातील परिस्थिती जेमतेम आहे. त्यांना 11 वर्षांची दोन मुलं आहेत. सासरप्रमाणेच त्यांच्या माहेरची परिस्थितीही हलाखीची आहे. पीडितेवर उपचार करण्यासाठी आता जो खर्च येईल त्यासाठी त्यांकडे पुरेसे पैसेही नाहीत. पिडीतेच्या अंगावर 280 टाके पडले आहेत, यासाठी लागणाऱ्या दोऱ्यांचा खर्चच 22 हजार इतका आला आहे.
प्राप्त माहितीनुसार, महिला शेतात काम करत असताना आरोपी अभिषेकने पिढीत महिलेला फोन आला. तो म्हणाला की, एक तर तू माझ्याबरोबर झोप, नाही तर तुझ्या जावेशी माझे जुळवून दे. महिलेनं फोन कट केला. त्यानंतर संध्याकाळी महिला शेतातलं काम संपवून पांदीच्या रस्त्याने एकटीच जात असताना अचानक पाठीमागून येऊन त्यानं वेणी खेचली आणि डोके दगडावर आपटलं. महिलेला काही कळायच्या आतच त्यानं पहिल्यांदा कटरनं चेहऱ्यावर वार केला. महिला ओरडायचा प्रयत्न केला तर त्यानं गळ्यावरच वार केला आणि लगेच सपासप सगळीकडे वार सुरू केले. पाठीवरचा वार तर एवढा भयंकर होता की मानेपासून मांडीपर्यंत चिरून काढला, अशा विकृत मानसिकतेच्या नराधम आरोपीपासून महिलेने बचावाचा प्रयत्न केला, पण त्याने तिच्यावरती वार करत तिचा जीव घेण्याचा प्रयत्न केला.
