पंकेश जाधव , पुणे जिल्हा प्रतिनिधी
युनिट-१ गुन्हे शाखा, पुणे शहर
युनिट १ गुन्हे पुणे शहर चे पोलीस अधिकारी व पोलीस अंमलदार हे नवरात्र उत्सव २०२२ अनुशंगाने हददीत पेट्रोलिंग फिरत असताना युनिटचे पोलीस अंमलदार यांना त्यांचे गुप्त बातमीदाराकडुन बातमी मिळाली की, कामशेत पो स्टे पुणे ग्रामीण गुर ने ३४१/२०२२ भादंवि कलम ३९५ ३८७ ५०४ व मौका मधील फरारी आरोपी नामे पप्पू शिंदे हा आपले अस्थित्व लपवुन उत्तमनगर भागात राहत आहे, अशी खबर मिळाल्यावरुन पोलीसांनी त्याठिकाणी जावुन माहिती काढुन खात्री करून आरोपी नामे महेश ऊर्फ पप्पु विष्णु शिंदे वय २९ वर्ष रा. सध्या जुनी भाजी मंडई उत्तमनगर मुळगाव दत्त मंदीराजवळ कामशेत ता. मावळ जि पुणे यास ताब्यात घेवुन सखोल चौकशी करता तो गुन्हा दाखल झाल्यापासुन १ वर्षापासुन फरार असल्याचे कबुल केले आहे. त्यास पुढील कारवाई करीता कामशेत पोलीस स्टेशन पुणे ग्रामीण यांचे ताब्यात दिले आहे.
सदरची कामगिरी मा. अमिताभ गुप्ता पोलीस आयुक्त पुणे शहर, मा.संदीप कर्णिक पोलीस सह आयुक्त पुणे शहर, मा. रामनाथ पोकळे अपर पोलीस आयुक्त (गुन्हे) पुणे शहर, मा. श्रीनिवास घाडगे पोलीस उप-आयुक्त गुन्हे पुणे मा. गजानन टोम्पे, सहाय्यक पोलीस आयुक्त गुन्हे १ पुणे यांच्या मार्गदर्शनाखाली युनिट १ कडील वरीष्ठ पोलीस निरीक्षक संदीप भोसले, पोलीस उप निरीक्षक सुनिल कुलकर्णी, पोलीस अंमलदार महेश बामगुडे, अजय थोरात, इम्रान शेख, विठ्ठल सांळुखे यांनी केली आहे.
