अनिल अडकिने नागपूर जिल्हा प्रतिनिधी
महाराष्ट्र संदेश न्युज ! ऑनलाईन सावनेर १९ मार्च:- मूक बधिर निवासी शाळा सावनेर येथे भारतीय जैन संघटना सावनेर यांच्या वतीने जागतिक महिला दिनाच्या कार्यक्रमाचे आयोजन करण्यात आले. या कार्यक्रमाला प्रमुख पाहुणे म्हणून शरद कदम पोलिस निरीक्षक नागपूर, सुनंदा कदम, दिपक जोशी, मुख्याध्यापिका सुवर्णा महाशब्दे भारतीय जैन संघटना सावनेरचे अध्यक्ष पियूष झिझुवाडीया, विमल जैन, जयश्री झिंझुवाडीया, भाविका जैन, अँड्. शैलेश जैन अध्यक्ष बार असोसिएशन व भारतीय जैन संघटना सावनेरचे सदस्यगण उपस्थित होते.
यावेळी मान्यवरांच्या हस्ते क्रांतिज्योती सावित्रीबाई फुले यांच्या प्रतिमेला माल्यार्पण करून अभिवादन करण्यात आले. विद्यार्थ्यांनी सांकेतिक भाषेत प्रार्थना सादर केली. शाळेच्या वतीने सर्व मान्यवरांचे पुष्पगुच्छ देवून स्वागत करण्यात आले. शाळेतील सर्व महिला कर्मचाऱ्यांचा मान्यवरांच्या हस्ते सत्कार करण्यात आला. भारतीय जैन संघटनेच्या वतीने सर्व महिला कर्मचाऱ्यांना भेट वस्तू देऊन गौरविण्यात आले.
भारतीय जैन संघटना सावनेरच्या अध्यक्षपदी युवा समाजसेवी तसेच पत्रकार पियूष झिझुवाडिया यांची नियुक्ती झाल्याबद्दल संस्थेच्या वतीने सन्मानित करण्यात आले. भारतीय जैन संघटनेच्या वतीने विद्यार्थ्यांना खाउचे वाटप करण्यात आले. यावेळी माधवी जोशी, भविका जैन, विमाला जैन, मंगला समर्थ, दिपक जोशी, शैलेश जोशी इत्यादी मान्यवरांनी महिला दिनानिमित्त मनोगत व्यक्त केले. यावेळी शरद कदम यांनी अध्यक्षीय मनोगत व्यक्त करून सर्वांना शुभेच्छा दिल्या. या कार्यक्रमाचे संचालन क्रीडा शिक्षक श्री संजय लुंगे यांनी केले. मुख्याध्यापिका सुवर्णा महाशब्दे यांनी मनोगत व्यक्त करून सर्वांचे आभार मानले. महाराष्ट्र गीत व राष्ट्रगीत विद्यार्थ्यांनी सांकेतिक भाषेत सादर करुण कार्यक्रमाचा समारोप करण्यात आला. त्यानंतर सर्वांनी स्नेहभोजन केले.
या कार्यक्रमाला सुवर्णा महाशब्दे, कविता केळापूरे, दुर्गा चेडे, ज्योती राऊत, दिपीका नेरकर, संजय लुंगे, मकरंद कदम, राजु दलाल, संगीता पिसे, ज्योती सावंत, नंदा कांबळे, जया काळे, मनीषा मेश्राम, कु.रुखमा भोयर, उत्तमराव चांदपुरकर, ओम शेंडे, धनंजय हेडाऊ इत्यादी उपस्थित होते. या कार्यक्रमाचे समन्वयक शाळेचे क्रीडा शिक्षक सुनिल राठोड होते.
