पल्लवी मेश्राम उपसंपादक नागपूर
महाराष्ट्र संदेश न्युज ! ऑनलाईन नागपूर:- डॉ. बाबासाहेब आंबेडकर संयुक्त समिती घोगली बेसाच्या वतीने आणि घोगली परिसरातील समस्त आंबेडकरीवादी परिवाराच्या वतीने क्रांतिसूर्य महात्मा ज्योतिबा फुले व भारतरत्न डॉ. बाबासाहेब आंबेडकर यांच्या संयुक्त जयंतीचे सोमवार दिनांक 14 एप्रिल 2025 ला स्वामीधाम नगरी परिसर मैदान येथे आयोजन करण्यात आले आहे.
सकाळी 8.00 वाजता क्रांतिसूर्य महात्मा ज्योतिबा फुले व भारतरत्न डॉ. बाबासाहेब आंबेडकर यांच्या प्रतिमेला माल्यार्पण करून सामूहिक बुद्धवंदनेने या कार्यक्रमाला सुरुवात करण्यात येणार. त्यानंतर 9.00 वाजता सामाजिक एकजुटीचा संदेश देण्यासाठी बाईक रॅली काढण्यात येणार आहे. त्यानंतर दुपारी 12.00 नागरिकांना अल्पोपहार वाटप करण्यात येणार आहे. त्यानंतर सायंकाळी 5.00 वाजता ड्राइंग स्पर्धा होणार आहे. 6.00 वाजता लहान मुलांची भाषणे होईल. सायंकाळी 7.00 वाजता प्रबोधनात्मक पर मार्गदर्शन कार्यक्रमाचे आयोजन करण्यात आले आहे. त्यात मुख्य अतिथी म्हणून आयु. भारत नंदनवार प्रशासकीय अधिकारी नगर पंचायत बेसा – पिंपळा हे उपस्थित राहणार असून विशेष अतिथी म्हणून महाराष्ट्र टाईम्सचे सहा. संपादक आयु. अविनाश महालक्ष्मे, प्रमुख मार्गदर्शक धम्मप्रसारक आणि अध्यक्ष बानाई आयु. इंजि. पी. एस. खोब्रागडे, कार्यक्रमाचे अध्यक्ष समितीचे अध्यक्ष आयु. इंजि. श्रीकृष्ण नेहारे हे उपस्थित राहणार आहे.
मंगळवार दिनांक 15 एप्रिल 2025 रोजी सायंकाळी 6.00 वाजता बक्षीस वितरण करण्यात येणार असून सायंकाळी 7.00 वाजता सुगम संगीत मिले सूर मेरा तुम्हारा ग्रुप तर्फे प्रबोधनात्मक संगीतमय कार्यक्रम सादर केला जाणार आहे. सायंकाळी 8.00 वाजता स्नेहभोजन कार्यक्रमाने या दोन दिवसीय जयंती समारोहाचे समापन करण्यात येणार आहे. तरी या दोन दोन दिवसीय जयंती समारोहात परिसरातील नागरिकांनी आपल्या सहपरिवारासह उपस्थित राहावे असे आवाहन समिती तर्फे करण्यात आले आहे.
