परतूर येथे वंचित बहुजन आघाडीची पंचायत समिती व जिल्हा परिषद निवडणूक संदर्भात आढावा बैठक संपन्न.

रविंद्र भदर्गे, जालना जिल्हा प्रतिनिधी

महाराष्ट्र संदेश न्युज ! ऑनलाईन परतूर:- आगामी पंचायत समिती व जिल्हा परिषद निवडणुकांच्या पार्श्वभूमीवर वंचित बहुजन आघाडी परतुर तालुक्याच्या वतीने एक महत्त्वपूर्ण बैठक परतूर येथील शासकीय विश्रामगृहात पार पडली. ही बैठक परतुर तालुका अध्यक्ष रवींद्र भदर्गे यांच्या अध्यक्षतेखाली झाली. मराठवाडा उपाध्यक्ष दिपक डोके जिल्हा कार्याध्यक्ष परमेश्वर खरात जिल्हा उपाध्यक्ष रोहन वाघमारे यांनी मार्गदर्शन केले.

या बैठकीत आगामी निवडणुकांमध्ये वंचित बहुजन आघाडीची भूमिका, रणनीती, आणि उमेदवार निवडीच्या प्रक्रियेवर सविस्तर चर्चा करण्यात आली. स्थानिक पातळीवर जनसंपर्क वाढवणे, मतदारांमध्ये जागरूकता निर्माण करणे, आणि संविधानिक मूल्यांवर आधारित प्रचार मोहिम राबवण्याचे निर्देश यावेळी देण्यात आले.

या बैठकीस तालुक्यातील विविध पदाधिकारी, कार्यकर्ते, तसेच युवा व महिला आघाडीचे पदाधिकारी मोठ्या संख्येने उपस्थित होते. आगामी निवडणुकांमध्ये वंचित बहुजन आघाडीला मजबूत पर्याय म्हणून उभे करण्यासाठी कार्यकर्त्यांनी जोमाने तयारीला लागण्याचे आवाहन यावेळी करण्यात आले.

यावेळी उपस्थित मराठवाडा उपाध्यक्ष दिपक डोके, जिल्हा कार्याध्यक्ष परमेश्वर खरात, जिल्हा उपाध्यक्ष रोहन वाघमारे, जिल्हा संघटक हनुमंत मोरे, तालुका अध्यक्ष रविंद्र भदर्गे, तालुका महासचिव दिपक वक्ते, तालुका उपाध्यक्ष महादेव पैठणे, तालुका उपाध्यक्ष गौतम मुंढे, तालुका उपाध्यक्ष उत्तम साळवे, तालुका महासचिव नामदेव नाचन सातोना, आकाश वाघमारे, सर्कल अध्यक्ष राजु गोटे, आष्टी सर्कल अध्यक्ष अनिल वाघमारे, वाटूर सर्कल अध्यक्ष अमोल जाधव, वाटूर सर्कल महासचिव गौतम कोळे, मनोज वंजारे मिलिंद गायकवाड, दिपक नाटभजन, तुषार कोळे, संपत हिवाळे सह अनेक कार्यकर्ते उपस्थित होते.