मुकेश चौधरी कार्यकारी संपादक
महाराष्ट्र संदेश न्युज ! ऑनलाईन वर्धा:- अनुराग जैन पोलीस अधीक्षक वर्धा यांनी अंमली पदार्थ बाळगणारे व विक्री करणारे गुन्हेगारांवर कारवाई करण्याचे स्थानिक गुन्हे शाखेस आदेशीत केल्याने, त्या अनुषंगाने अंमली पदार्थांची विक्री करणा-या गुन्हेगारांवर कारवाई करण्याची स्थानिक गुन्हे शाखेने धडक मोहिम राबविली असुन, दि. 20 नोव्हेंबर 2025 रोजी स्था.गु.शा. वर्धा चे पथक पोलीस स्टेशन वडणेर हद्दीत पेट्रोलिंग करीत असतांना, त्यांना गोपणीय माहिती मिळाली कि, वडणेर पोलिस स्टेशन हद्दीतील मौजा सोनेगाव, तह. हिंगणघाट येथे राहणारा साकिर फिरोज अन्सारी, हा त्याचे मौजा सोनेगाव, वडणेर ते हिंगणघाट रोडवरील असलेल्या टायर पंचर दुरूस्ती दुकानातुन गांजाविक्री चा अवैध व्यवसाय करीत आहे.
मिळालेल्या माहितीवरून पथकाने त्याचे दुकानामध्ये एन.डि.पी.एस. कायद्यान्वये रेड केला असता, नमुद आरोपी हा तेथे हजर मिळुन आला असुन, झडती दरम्यान त्याचेजवळ गांजा अंमली पदार्थ, गांजा विक्री करून मिळविलेली नगदी रक्कम, गांजा वाहतुकीकरीता वापरलेली मोटर सायकल मिळुन आल्याने व सदर आरोपी हा गांजाविक्री करीत असल्याचे निष्पन्न झाल्याने, जागीचं जप्ती पंचनामा कार्यवाही करून, आरोपीचे ताब्यातुन 566 ग्रॅम गांजा अमली पदार्थ, एक पल्सर 220 मो.सा. क्र. MH-49/BP-2187, नगदी 7,850 व एक मोबाईलसह जु.कि. 1,79,170 रू चा मुद्देमाल जप्त करून, आरोपीविरूध्द वडणेर पोलिस स्टेशन येथे एन.डी.पि.एस. कायद्यान्वये गुन्हा नोंद करण्यात आला आहेत.
सदरची कार्यवाही पोलीस अधिक्षक अनुराग जैन, अपर पोलीस अधीक्षक सदाशिव वाघमारे, यांचे निर्देशाप्रमाणे स्थानिक गुन्हे शाखा जि. वर्धा चे पोलीस निरीक्षक विनोद चौधरी, पो.उपनि. विजयसिंग गोमलाडु, पो.अं अरविंद येनुरकर, रोशन निंबोळकर, रवि पुरोहित, अभिषेक नाईक सर्व नेमणुक स्थानिक गुन्हे शाखा वर्धा यांनी केली.
