मधुकर गोंगले, उपसंपादक.
मो. नं. 9420751809.
अहेरी : रामनवमीच्या पावन पर्वानिमित्त हजरत टिपू सुलतान फाउंडेशन, अहेरी यांच्या वतीने समाजातील बंधुभाव आणि ऐक्य दृढ करण्याच्या हेतूने हिंदू बांधवांसाठी शरबत वाटपाचा सुंदर उपक्रम आयोजित करण्यात आला.
या उपक्रमाला टिपू सुलतान फाउंडेशन , अहेरी चे अध्यक्ष मा. सरफराज भैया आलम यांच्या प्रेरणादायी पुढाकारामुळे विशेष यश लाभले. त्यांच्या नेतृत्वाखाली हा कार्यक्रम अत्यंत उत्साहात आणि आनंददायी वातावरणात पार पडला.
कार्यक्रमादरम्यान उपस्थित मान्यवरांमध्ये आकिब भाई पठाण, उमेर भाऊ, आवेश शेख, उजेर सय्यद, अरबाज पठाण तसेच अनेक युवकांचा उत्स्फूर्त सहभाग लाभला. सर्वांनी मिळून सामाजिक सलोखा, एकोप्याचा संदेश देत हा उपक्रम अधिक अर्थपूर्ण केला.
या प्रसंगी उपस्थित नागरिकांनी फाउंडेशनच्या या उपक्रमाचे मनापासून कौतुक करत, अशा उपक्रमांमुळे समाजात प्रेम, सद्भावना आणि परस्पर सन्मान वाढीस लागतो, असे मत व्यक्त केले.
“धर्म वेगळे असले तरी मानवता एकच आहे” हा संदेश देणारा हा उपक्रम अहेरी शहरात आदर्श ठरला आहे.
