सौ. हनिशा दुधे, बल्लारपूर तालुका प्रतिनिधी
बल्लारपूर:- जनता विद्यालय (सिटी ब्रांच) बल्लारपूर येथे दिनांक 31 ऑक्टोंबर रोजी भारताच्या माजी पंतप्रधान स्वर्गीय इंदिरा गांधी यांच्या पुण्यतिथी निमित्त आणि भारताचे माजी गृहमंत्री तथा लोहपुरुष स्वर्गीय सरदार वल्लभभाई पटेल यांच्या जयंती निमित्त त्यांना अभिवादन करण्यात आले.
पंतप्रधान इंदिरा गांधी
सरदार वल्लभभाई पटेल यांची जयंती..
सरदार वल्लभभाई पटेल यांचा जन्म 31 ऑक्टोबर 1875 रोजी गुजरातमधील नडियाद येथे झाला. 31 ऑक्टोबर रोजी लोहपुरुष सरदार वल्लभभाई पटेल यांची 147 वी जयंती आहे. भारताला स्वातंत्र्य मिळाल्यानंतर सरदार वल्लभभाई पटेल यांनी संपूर्ण देशाला एकात्मतेच्या धाग्यात बांधण्यात महत्त्वाची भूमिका बजावली. त्यामुळेच वल्लभभाई पटेल यांची जयंती देशात राष्ट्रीय एकता दिवस म्हणून साजरी केली जाते. 2014 मध्ये प्रथमच राष्ट्रीय एकता दिवस साजरा करण्यात आला. सरदार पटेल हे स्वातंत्र्या नंतर देशाचे पहिले उपपंतप्रधान आणि गृहमंत्रीही होते.
या कार्यक्रमाचे अध्यक्ष बी.के लांडे सर मुख्याध्यापक तथा प्रमुख पाहुणे आर.के वानखेडे हे होते. याप्रसंगी सातपुते बाबू, शिपाई कु. सुरेखा रासेकर आणि उमेश पोडे उपस्थित होते.
