युवराज मेश्राम विदर्भ ब्यूरो चीफ
नागपूर:- महानगर पालिका प्रशासनाने नागपूर शहराला घान करणाऱ्या नागरिकांवर कारवाईचा बगदा उगारला आहे. त्यामुळे एकच खळबळ उडाली आहे. सार्वजनिक ठिकाणी थुंकणे तसेच उघड्यावर लघवीसह कचरा टाकणाऱ्यांना शिस्त लावण्यासाठी नागपूर महापालिकेने मागील महिन्यापासून दंडात्मक कारवाई सुरू केली. महिनाभरात महानगर पालिकेच्या उपद्रव शोध पथकाने सहा हजार 506 जणांवर कारवाई करीत 30 लाख 17 हजार रुपयांचा दंड वसूल केला. दरम्यान, शुक्रवारीही 215 जणांवर कारवाई करीत 86 हजार 40 रुपयांचा दंड आकारला.
स्वच्छता मानांकनात घसरण झाल्यानंतर महापालिकेने स्वच्छता गांभीर्याने घेतली असून मागील 11 ऑक्टोबर पासून रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे, प्लास्टिक पिशवीचा वापर करणारे नागरिक, दुकानदार, रुग्णालये, मंगल कार्यालयांना शिस्त लावण्यासाठी धडक कारवाई सुरू केली.
शुक्रवारी रस्त्यावर थुंकणाऱ्या दोघांकडून चारशे रुपये दंड वसूल करण्यात आला तर उघड्यावर लघवी करणाऱ्या दोघांकडून प्रत्येकी पाचशे रुपयांप्रमाणे एक हजार रुपये दंड वसूल करण्यात आला. उपद्रव शोध पथकाच्या जवानांनी आज रस्ता, फुटपाथ, मोकळी जागा अशा सार्वजनिक ठिकाणी कचरा टाकणाऱ्या दुकानदारांवर 44 प्रकरणांची नोंद करून 17 हजार 600 रुपयांचा दंड वसूल केला. या सर्वांवर प्रत्येकी 400 रुपये प्रमाणे दंड आकारण्यात आला. रस्ता, फुटपाथ, मोकळी जागा अशा सार्वजनिक ठिकाणी कचरा टाकणाऱ्या 70 व्यक्तींवर प्रत्येकी 100 असा 7 हजार रुपयांचा दंड ठोठावण्यात आला. याशिवाय शैक्षणिक संस्था, हॉटेल्स, मंगल कार्यालये, पॅथलॅब यांच्यावरही कारवाई करण्यात आली.
या कारवाईला आज महिना पूर्ण झाला. महिनाभरात महापालिकेच्या उपद्रव शोध पथकाने 30 लाख 70हजार 600 रुपयांचा दंड वसूल केला. या काळात 6 हजार 506 जणांवर कारवाई केली.
