बुधवार पेठेतील क्रांती चौकात कोयता दाखवून राडा करणाऱ्या आरोपींना फरासखाना तपास पथकाच्या पोलिसांनी ठोकल्या बेड्या

पंकेश जाधव पुणे ब्यूरो चीफ

फरासखाना पोलिस स्टेशन पुणे शहर

पुणे: रविवारी मध्यरात्री पुण्यातील बुधवार पेठेतील क्रांती चौकात काही तरुणांमध्ये तुफान हाणामारी झाल्याचा सीसीटीव्ही व्हायरल झाला होता. यामध्ये काही तरुण कोयत्याचा धाक दाखवून हाणामारी करत असल्याचे दिसून येत होते. रविवारी रात्री हा प्रकार घडूनही फरासखाना पोलिसांनी याप्रकरणी गुन्हा दाखल केला नव्हता. मात्र माध्यमात यासंबंधीच्या बातम्या येताच पोलीस यंत्रणा खडबडून जागी झाली आणि याप्रकरणी गुन्हा दाखल करून या प्रकरणी 3 जणांना अटक करण्यात आली आहे.
बुधवार पेठेतील हाणामारी प्रकरणी अखेर तिघांना अटक
याप्रकरणी अधिक माहिती: विशाल मोतीपवळे (वय 21, नरेगाव) या तरुणाने याप्रकरणी तक्रार दिली होती. आणि पोलिसांनी रोहित पसंगे रा. पर्वती पायथा, चैतन्य बैरागी रा. पर्वती पायथा आणि विजय डिखले रा. गुलटेकडी , तन्मय थोरात रा.गुरुवार पेठ आणि राजू गेडाम मीनाताईठाकरेवसाहत अशी अटक करण्यात आलेल्या आरोपींचे नाव आहे. याप्रकरणी अधिक माहिती अशी की, फिर्यादी आणि त्याचे मित्र बुधवार पेठेतील क्रांती चौकात रविवारी मध्यरात्री साडेबारा वाजण्याच्या सुमारास थांबले होते.
लाथा बुक्क्यांनी मारहाण: यावेळी दुचाकी घेऊन आलेल्या आरोपींनी फिर्यादी आणि त्याच्या मित्रांना कट मारून जात होते. फिर्यादीने याचा जाब विचारल्यानंतर या पाच आरोपी तरुणांनी शिवीगाळ करत लाथा बुक्क्यांनी मारहाण केली. तर दुसरीकडे लोखंडी कोयत्याने फिर्यादी यांच्या पाठीवर वार केला आहे.

मध्यस्थी करणाऱ्या फिर्यादीच्या मित्रालाही आरोपींनी डोक्यात लोखंडी कोयत्याने मारहाण करून ठार मारण्याचा प्रयत्न केला. यातील पाच आरोपींना अटक करण्यात आली आहे. सर्व आरोपी हे रेकॉर्डवरील असून त्यांना आज न्यायालयात हजर केले जाणार आहे.

सदरची कारवाई मा. पोलीस आयुक्त अभिताभ गुप्ता सौ. मा. पोलीस सह आयुक्त संदीप कर्णिक सो. मा. अपर पोलीस आयुक्त पश्चिम प्रादेशिक विभाग पुणे शहर, श्री. राजेंद्र डहाळे सो., पोलीस उपआयुक्त परिमंडळ १
संदीप सिंह गिल सो. मा. सहाय्यक पोलीस आयुक्त फरासखाना विभाग पुणे श्री. सतिश गोवेकर सो. यांचे मार्गदर्शनाखाली फरासखाना पोलीस स्टेशनचे वरिष्ठ पोलीस निरीक्षक, शब्बीर सय्यद, सहाय्यक पोलीस निरीक्षक, श्री संतोष शिंदे, पोलीस उपनिरीक्षक निलेश मोकाशी, पोलीस अंमलदार वैभव स्वामी , राकेश क्षीरसागर , संदीप कांबळे सुमित खुट्टे, समीर मळवतकर , महावीर वॉल्टे ,प्रविण पासलकर , रिजवान जिनेडी, गणेश दळवी, मेहबूब मोकाशी, गणेश अटोळे, पंकज देशमुख ,तुषार खडके, अजित शिंदे ,शशिकांत ननावरे आणि मोहन दळवी यांच्या पथकाने केली आहे.