✒️प्रविण जगताप, विशेष प्रतिनिधी
मो. 9284981757
भंडारा:- जिल्हातून एक दुर्दैवी घटना समोर आली आहे. या घटनेमुळे संपूर्ण जिल्हात हळहळ व्यक्त करण्यात येत आहे. राजकुमारी सुनिल नेवारे वय 30 वर्ष या नेहमी प्रमाणे सकाळी गावाजवळील हुटकाळा तलावावर कपडे धुण्यासाठी गेली होत्या. कपडे धुत असताना अचानक पाय घसरला आणि खोल पाण्यात पडल्या. जिवाच्या आकांताने आरडाओरडा केला पण जवळपास कुणीच नसल्यामुळे मदतीला कुणी धावून आलं नाही. पाण्याची पातळी खोल असल्यामुळे या महिलेचा बुडून मृत्यू झाला.
राजकुमारी नेवारे नऊ महिन्यांची गरोदर होती सासू शेळ्या चारुन जेवा घरी आली तेव्हा सून घरी दिसली नाही. त्यांनी शेजारी आणि गावात विचारपूस केली पण कुठेच पत्ता लागला नाही. गावातील लोकांनी सांगितले की तलावार गेली होती राजकुमारीच्या सासुला त्यांना तलावावर कपडे धुण्यासाठी सून गेल्याचे समजले. तलावावर धाव घेऊन राजकुमारीला शोधण्याचा प्रयत्न केला तेव्हा पाण्यावर राजकुमारीची साडी पाण्यावर तरंगताना दिसली. काय घडलं याचा अंदाज आल्यामुळे त्यांनी एकच आक्रोश केला. गावातील नागरिकांच्या मदतीने पाण्याबाहेर काढून राजकुमारीला करडी येथील दवाखान्यात नेले असता डॉक्टरांनी मृत घोषित केले आहे. राजकुमारी 9 महिन्याची गरोदर होती. त्यामुळे गरोदर अवस्थेत मृत्यू झाल्यामुळे गावात हळहळ व्यक्त केली जात आहे.
या दुर्दैवी घटनेची माहिती करडी पोलीस ठाण्यात देण्यात आली. माहिती मिळताच पोलिस अधिकारी घटनास्थळी दाखल झाले. त्यांनी पंचनामा करून आकस्मिक मृत्यूची नोंद केली.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
