मानवेल शेळके, नाशिक जिल्हा प्रतिनिधी
पंचवटी:- नाशिक शहरामधून एक संतापजनक घटना समोर आली आहे. महाविद्यालयात शिकत असलेल्या अल्पवयीन तरुणीला प्रेमाच्या जाळ्यात ओढत एका तरुणाने तिच्यावर बलात्कार केला. यामुळे पीडित अल्पवयीन तरुणी २२आठवड्यांची गर्भवती झाली असल्याचा घटनेने संपूर्ण शहरात एकच खळबळ उडाली आहे. याप्रकरणी तरुणा विरुद्ध म्हसरुळ पोलीस ठाण्यात बलात्कारासह पोस्कोअन्वये गुन्हा दाखल करण्यात आला आहे. सर्वेश गोपाळ निकुंभ वय २४, रा. दरी-मातोरी, मखमलाबाद, ता. जि. नाशिक असे संशयित तरुणाचे नाव आहे.
पीडित तरुणीच्या फिर्यादीनुसार व पोलिसांनी दिलेल्या माहितीनुसार, पीडित अल्पवयीन तरुणी दरी-मातोरी परिसरातून महाविद्यालयात जात येत असताना संशयित आरोपी सर्वेशने तिच्याशी ओळख वाढविली होती. त्यानंतर त्याने १ जून ते ५ नोव्हेंबर या कालावधीत वेळोवेळी मखमलाबाद गावातील एका सोसायटीतील फ्लॅटमध्ये नेऊन अल्पवयीन मुलीवर बलात्कार केला. याबाबात कुणास काही सांगीतले तर जीवे मारण्याची धमकी दिली होती. घडलेला प्रकार कुणास न सांगता मुलगी शांत होती. या संबधातून मुलीला गर्भ धारणा झाली. हा प्रकार मुलीच्या आईच्या लक्षात आला. याबाबत विचारणा केली असता मुलीने काहीच सांगितले नाही. याप्रकरणी नाशिक तालुका पोलीस ठाण्यात तक्रार करण्यात आली. गुन्हा शहर पोलिसांच्या हद्दीत घडल्याने गुन्हा म्हसरुळ पोलीस ठाण्यात वर्ग करण्यात आला. पुढील तपास वरिष्ठ पोलीस निरीक्षक अशोक साखरे यांच्या मार्गदर्शनाखाली पुढील तपास सुरू आहे.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
