वृक्षारोपण, वृक्षसंवर्धनाचा बालवयातच विध्यार्थी जोपासत आहे छंद.
संतोष मेश्राम चंद्रपूर ग्रामीण जिल्हा प्रतिनिधी
राजुरा:- सविस्तर वृत्त खलील प्रमाणे बालविद्या शिक्षण प्रसारक मंडळ द्वारा संचालीत आदर्श मराठी प्राथमिक विद्यामंदिर राजुरा येथील इयत्ता दुसरी मध्ये शिकणारा राम योगेश ढोके या विद्यार्थ्याने आपला वाढदिवस शाळेला वृक्षभेट देऊन साजरा केला. यावेळी शाळेच्या मुख्याध्यापिका नलिनी पिंगे, आदर्श हायस्कुलचे मुख्याध्यापक सारीपुत्र जांभुळकर, रामच्या आजी रेखा मांडवकर, मावशी पल्लवी मांडवकर, राष्ट्रीय हरीत सेना विभाग प्रमुख बादल बेले, जेष्ठ शिक्षिका ज्योती कल्लूरवार, वर्गशिक्षिका वैशाली चिमूरकर आदीसह शिक्षक -शिक्षिका यांची उपस्थिती होती.
राम ची आई प्रणिता मांडवकर -ढोके या जीवती येथील उप अधीक्षक भूमी अभिलेख कार्यालयात निमतानदार या पदावर कार्यरत आहेत. सोबतच नैसर्गिक पर्यावरण संवर्धन व मानवता विकास संस्थेच्या राजुरा तालुका महिला संघटिका म्हणून पण त्या पर्यावरण संवर्धन व मानवता विकासाचे कार्य करतात. त्यामुळे आपल्या मुलाचा वाढदिवस पण पर्यावरणपूरक उपक्रम घेऊन करावा आणी बालवयातच मुलांना पर्यावरणाचे महत्व कळावे यासाठी त्यांनी शाळेला वृक्षभेट देऊन उपक्रम घेतला. राम ने सुद्धा आनंदाने या उपक्रमात सहभाग घेतला. शाळेच्या वतीने अनेक नावीन्य पूर्ण उपक्रम नेहमीच सजारे करण्यात येतात. त्यामुळे या शाळेतील पालकवर्ग, विध्यार्थी हे उपक्रमात स्वतःहुन सहभागी होतात.
